बेमौसमी तरकारी उत्पादन तालिम

आदर्श समाज सम्वाददाता
जेठ २६, २०७६
24_Fotor

हेमजामा बेमौसमी तरकारी उत्पादन तालिम सम्पन्न भएको छ। जेठ १० देखि शुरु उक्त तालिम शुक्रवार सम्पन्न गरिएको हो।

घरेलु तथा साना उद्योग कार्यालय कास्कीको सहयोग तथा सीप हस्तान्तरणद्वारा सशक्तीकरण (नेष्ट) पोखराको सहजीकरणमा तालिम भएको हो। जसमा पोखरा महानगरपालिका कृषि महाशाखाकी प्राविधिक पुष्पा नेपालीले सहजीकरण गरेकी थिइन्।

तालिम समापनमा पोखरा २५ का वडाध्यक्ष शोभाकर तिम्सिनाले नेपालमा कृषि पेशालाई सम्मानित बनाउनुपनेर्मा जोड दिए। उनले बेमौसमी तरकारी खेतीबाट मनग्य अर्थापार्जन गर्न सकिने बताए।

घरेलु कार्यालय प्रमुख चक्रपाणि गौतमले बेमौसमी खेती गर्नु जटिल कुरा भएको जनाउँदै त्यसमा पनि अर्गानिक बेमौसमी झनै जटिल हुने बताए। उनले पछिल्लो समय नेपालीमा क्रमश विकास हुँदै गएको घरमा बसेरै खान खोज्ने प्रबृतिको अन्त्य गर्नुपर्ने पनि जनाए।

वडा सदस्य लक्ष्मी अधिकारीले हेमजा कृषि क्षेत्र भएको भनाइ राखिन्। सहभागि तथा महिला संजाल हेमजाकी अध्यक्ष रमा त्रिपाठीले तालिम उपलब्धिमूलक भएको जनाएकी थिइन्।

तालिममा सहभागी विष्णु त्रिपाठी, माया विक, दुर्गा त्रिपाठी, प्रशिक्षक पुष्पा नेपाली लगायतले पनि तालिमका अनुभव सुनाएका थिए।

गरीबी निवारणका लागि लघु उद्यम विकास कार्यक्रमअन्र्तगत तालिम दिइएको हो। जसमा व्यावसायिक कृषक बन्न इच्छुक हेमजाका १९ जना स्थानीयको सहभागिता थियो।

सो तालिममा तरकारी खेती कसरी लगाउने, जैविक मल कसरी निर्माण गर्ने, बालीमा रोग किराको आक्रमण कसरी रोक्ने, बेमौसमी अर्गानिक उत्पादन कसरी गर्ने लगायत विषयमा प्रशिक्षण दिइएको जनाइएको छ। सहभागीले अबदेखि व्यावसायिक तरकारी खेती गर्ने प्रतिबद्घता पनि व्यक्त गरेका छन्।

हेमजा अर्गानिक लघु उद्यम कृषि समूह अध्यक्ष भीममाया त्रिपाठीको अध्यक्षतामा सम्पन्न उक्त कार्यक्रम नेष्ट पोखराका प्रतिनिधि खुमबहादुर गुरुङले गरेका थिए।

Related News

सम्बन्धित समाचार

  • ढोडबेंसीको स्वादिलो खुदो

    आदर्श समाज सम्वाददाता फागुन १८, २०८०
    पोखरा । प्राचीन कालदेखि नै खुदोले चिनिएको क्षेत्र हो पोखरा–३२ स्थित मालेपाटन ढोडबेँसी । प्रत्येक वर्षको पुसे पन्ध्र होस् वा…
  • बिग मार्टको पोखरामा ५ शाखा एक साथ

    आदर्श समाज सम्वाददाता फागुन १७, २०८०
    पोखरा । बिग मार्टले पोखरामा ग्रान्ड ओपेनिङ गर्ने भएको छ । काठमाडौंमा ९० स्टोर सञ्चालन गरिरहेको बिगमार्टले १९ फागुनमा पोखराको…
  • घान्द्रुकमा वित्तीय साक्षरता

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिकाको घान्द्रुकमा वित्तीय साक्षरता सम्बन्धी अभिमुखीकरण कार्यक्रम भएको छ । त्यहाँ अन्नपूर्ण–२, नौडाँडा स्थित धौलागिरी लघुवित्त वित्तीय…
  • पोखरा १३ मा रोजगार मेला

    आदर्श समाज सम्वाददाता फागुन १६, २०८०
    पोखरा । पोखरा १३ मा शुक्रबार जब फेयर हुने भएको छ । पोखरा महानगरपालिका वडा नम्बर १३ कार्यालयको आयोजनामा उक्त…
  • ६ वर्षमा ३५ हजार साना उद्योग थपिए   

    आदर्श समाज सम्वाददाता फागुन १४, २०८०
    गण्डकी ।  पछिल्ला छ वर्षमा गण्डकी प्रदेशमा ३५ हजार सात सय १६ घरेलु तथा साना उद्योग थपिएका छन् । उद्योग,…

hero news full width