सहकारी सदस्य केन्द्रित हुनुपर्दछ : रजिष्टार डा पाण्डे

आदर्श समाज सम्वाददाता
जेठ २६, २०७६
Sahakari news photo _Fotor

सहकारी विभाग रजिष्टार डा टोकराज पाण्डेले सदस्यकेन्द्रित सेवा र सदस्यको लाभको लागि काम नसके सहकारी हुन नसक्ने बताएका छन्।

राष्ट्रिय सहकारी बैंक पोखरा शाखाको आर्थिक सहयोग र जिल्ला सहकारी संघ कास्कीको आयोजनामा भएको दुईदिने कर्जा व्यवस्थापन तालिममा रजिष्ट्रार डा पाण्डेले उक्त कुरा बताएका हुन्।

पाण्डेले सहकारी ऐन, कानून, विधेयक सहकारीको अनुगमन, मार्गदर्शक र नियमनका लागि भएको बताउँदै कानूनमा भएका कुरालाई कसरी प्रभावकारी ढंगले अगाडि बढाउन सकिन्छ भन्ने विषयमा चिन्तित रहन सुझाव दिए।

सहकारी नियमावली, २०७५ ले केही बाध्यात्मक अवस्था सिर्जना गरेपनि सहकारी संस्थाको गुणात्मक अवस्था वृद्धिमा ध्यान दिएको भन्दै पाण्डेले विभागले सहकारी सिद्धान्त र मर्म अनुसार सहजीकरण गरि अन्तिम रुप दिनको लागि विशेष सहयोग गर्ने बताए।

सहकारीमा दोहोरो सदस्यता लिएर केही बदमासी भएको बताउँदै रजिष्ट्रार पाण्डेले प्रदेश र स्थानीय सहकारको समन्वयमा दोहोरो सदस्यता अन्त्य, सहकारीमा देखिएका समस्या, ऐन कानून मिच्ने प्रवृत्तीलाई कानूनको बाटोमा ल्याउन आवश्यक सहयोग गर्न आग्रह गरे।

उनले भने, ‘सहकारी सञ्चालनमा लाभ भनेको सदस्यले पाउनुपर्दछ, सञ्चालक र कर्मचारीले नै बढी मात्रामा लाभ लिइरहको देखिन्छ। कोपोमिस सफ्टवयर सहकारीलाई मर्यादित, अनुशासित र सुशासनमा राख्नको लागि ल्याइएको हो, अब यसलाई प्रयोग नगरी कुनै सहकारी अगाडि बढ्न नसक्ने र नमुना सहकारीको विकास गर्न सबैको साथ आवश्यक छ। ’

जिल्ला सहकारी संघ अध्यक्ष रविरमण तिवारीले सहकारीलाई सुव्यवस्थित, सुशासन कायम गराउन केन्द्र देखिको नै सहयोग आवश्यक भएको बताए।

नेफस्कुन गण्डकी संयोजक भीम गुरुङ, इ. सुरेन्द्र केसी र राष्ट्रिय सहकारी बैंकका पोखरा शाखाका प्रबन्धक सन्तोष घिमिरेले २९ सहकारी संस्थाबाट प्रतिनिधित्व गर्ने सहभागीलाई कर्जा व्यवस्थापन सम्बन्धी प्रशिक्षण दिएका थिए।

संघका वरिष्ठ उपाध्यक्ष बलराम गौतमले स्वागत मन्तव्य राखेको तालिमको सञ्चालन महासचिव छविलाल लामिछाने गरेका थिए।

Related News

सम्बन्धित समाचार

  • पोखरा रोयल सहकारीको २३औं स्थापना दिवस

    आदर्श समाज सम्वाददाता जेठ ८, २०८१
    पोखरा । पोखरा रोयल बचत तथा ऋण सहकारी संस्थाले आज २३औं स्थापना दिवस मनाउँदैछ । सहकारी स्थापना दिवसको अवसरमा सहकारीले…
  • गुहेश्वरी मर्चेन्टको वित्तीय साक्षरता

    आदर्श समाज सम्वाददाता जेठ ७, २०८१
    काठमाडौं । गुहेश्वरी मर्चेन्ट बैंकिङ एन्ड फाइनान्सले ललितपुर जिल्लाको ललितपुर मनपा १३ मा अवस्थित सामुदायिक विद्यालय महेन्द्र भृकुटी माध्यमिक विद्यालयमा…
  • भरतपुरमा सुजुकी मोटर्सको शोरुम

    आदर्श समाज सम्वाददाता जेठ ७, २०८१
    चितवन । सुजुकी ब्रान्डको ४ पांग्रे सवारी साधनको चितवनका लागि आधिकारिक बिक्रेता साध्वी इन्टरनेसनल प्रालि उद्घाटन गरिएको छ । भरतपुर…
  • पोखरा आइडिया मार्ट सुरु, १९ समूह छनोट

    आदर्श समाज सम्वाददाता जेठ ७, २०८१
    पोखरा । व्यवसाय प्रवद्र्धन केन्द्र पोखरा महानगरपालिकाको आयोजना एवं नेपाली युवा उद्यमी मञ्चको सहकार्यमा पोखरा आइडिया मार्ट तथा बुट क्याम्प…
  • पोउवा संघमा इलामका व्यवसायी

    आदर्श समाज सम्वाददाता जेठ ६, २०८१
    पोखरा । पोखरा र इलाम उद्योग वाणिज्य संघबीच व्यवसाय प्रवद्र्धन र उत्पादित वस्तुहरूको बजारीकरणका निम्ति सहकार्य गर्ने सहमति जुटेको छ…

hero news full width