पोखरा महानगरपालिकास्तरीय सहकारी व्यवस्थापन समिति अध्यक्ष तेजनारायण अधिकारीले सहकारीका नाममा पैसा किन्ने र बढी ब्याजदरमा पैसा बेच्ने दिन गएको बताएका छन्।

सहकारी संचालनको कार्यविधि स्थानीय तहमा स्थानान्तरण भएपछि महानगरतर्फबाट अध्यक्ष बनेका अधिकारी विहीवार पोखरा–२६, विजययुरको सत्यता बचत तथा ऋण सहकारी संस्थाको छैटौं स्थापना दिवस अवसरमा आयोजित साक्षात्कार कार्यक्रममा बोल्दै थिए।

उनले सहकारी जुन उद्देश्यका साथ स्थापना गरिएको छ, सोही मुताविक काम गरेर देखाउनु पनेर्मा जोड दिए।

‘हामी विकास र समृद्धिका कुरा गर्ने तर व्यवहारमा दुई प्रकारको लेखा प्रणाली राखेर सहकारीको नियमविपरीत काम गर्ने प्रचलनको अन्त्य गरी पैसा बेचेरै सेयर सदस्यलाई प्रतिस्पर्धाको नाममा बोनस खुवाउने प्रचलनको अन्त्य हुन्छ,’ उनको भनाइ थियो।

एक व्यक्ति एक सहकारी सिद्धान्तअनुसार सहकारीलाई विकास निर्माणको अभियानमा सहभागी गराउनुपनेर्मा जोड दिँदै अध्यक्ष अधिकारीले सेयर सदस्यको आयआर्जनमा सहयोग पुग्ने गरी उत्पादनशील क्षेत्रमा लगानी गर्नुपनेर्मा जोड दिए।

संस्था अध्यक्ष खड्कबहादुर रानाभाटको अध्यक्षतामा भएको सो कार्यक्रममा वडा २६ का वडाध्यक्ष नारायणप्रसाद बराल, वडा सदस्य रामकृष्ण जिसी, सिलिङ्गे कृषि सहकारीका प्रतिनिधि चिनिया थापा, रानाभाट समाजका भवन निर्माण समिति अध्यक्ष ठाकुर रानाभाट लगायतले सहकारीको आवश्यकता र यसको उपयोगिताबारे जानकारी दिँदै ग्रामीण तहसम्म पुर्याउनु पर्ने सुझाव राखेका थिए।

ऋण समिति संयोजक पुष्पराज बरालले स्वागत मन्तब्य राखेको सो कार्यक्रमको संचालन सहायक ब्यवस्थापक ईश्वरी थापाले गरेकी थिइन्। धन्यवाद ज्ञापन उपाध्यक्ष नीकिता सुवेदीले गरेकी थिइन्।

यसैबीच, सहकारीले स्थापना दिवस अवसर पारेर रानाभाट समाजलाई एक थान पोडियम र पोखरा २६ मा रहेको रामज्योति माविमा ३ थान डष्टविन सहयोग गरेको बताइएको छ।