भदौमा ‘प्रथम विश्वकर्मा कप फुटबल प्रतियोगिता’ हुने

आदर्श समाज सम्वाददाता
जेठ २३, २०७६
Bishakarma Sewa Samaj

पोखरा, २३ जेठ ।विश्वकर्मा सेवा समाज लाहाचोक कास्कीको आयोजनामा प्रथम विश्वकर्मा कप सेभेन ए साइड फुटबल प्रतियोगिता हुने भएको छ । समाजले विहिबार पोखरामा पत्रकार सम्मेलनको आयोजना गरेर प्रतियोगिताको बारेमा जानकारी दिएको हो ।

आगामी भदौ २१ गतेदेखि २८ गतेसम्म प्रतियोगिता संचालनमा आउने आयोजकले बताएको छ । बगर हरिचोकस्थित राष्ट्रिय उच्च माविको खेलमैदानमा प्रतियोगिता हुनेछ ।

‘खासगरि विश्वकर्मा समुदायका युवाहरुलाई एकतामा बाँध्ने र अन्य समुदायका युवासंग पनि सद्भाव अनि भाइचारा बाँड्ने लक्ष्य सहित हामीले यो फुटबल प्रतियोगिता गर्न लागेका हौँ ।’ पत्रकार सम्मेलनमा समाजका अध्यक्ष समेत रहेका प्रतियोगिताका सँयोजक जीवन सुनारले भने–‘त्यो सँगै केही सामाजिक क्रियाकलाप गर्नका लागि आवश्यक आर्थिक सहयोग जुटाउनु पनि यो कार्यक्रमको अर्को उद्देश्य हो ।’

पहिलोपटक समाजको आयोजनामा हुने यो प्रतियोगितामा गण्डकी प्रदेशका सबै जिल्लाबाट सहभागिता हुने आयोजकले बताएको छ । आयोजकका अनुसार करिब ५० वटा टिमले प्रतियोगितामा सहभागिता जनाउँदैछन् ।

फुटबल प्रतियोगितामा प्रथम हुने टिमले १ लाख ११ हजार १ सय ११ रुपैयाँ र दोस्रोले ५१ हजार १ सय ११ रुपैयाँ नगद पुरस्कार प्राप्त गर्ने पत्रकार सम्मेलनमा जानकारी दिईयो । त्यो बाहेक आयोजकले बेस्ट प्लेयर, बेस्ट डिफेन्स, बेस्ट गोलकिपर, बेस्ट मिडफिल्डर र हाइस्कोरर विधामा पनि पुरस्कार छुट्याएको छ ।

‘सम्पूर्ण खर्च जोड्दा प्रतियोगिताका लागि १३ लाख रुपैयाँ लाग्ने हामीले अनुमान गरेका छौँ ।’ प्रतियोगिताका अर्थ संकलन सँयोजक राजेन्द्र गहतराजले भने–‘र, हामीले यो खर्च टिम दर्ता शुल्क र विभिन्न संघसंस्थाहरुले गर्ने आर्थिक सहयोगमार्फत पुर्ती गर्नेछौँ ।’ आयोजकले अनुमानित १९ लाख रुपैयाँ प्रतियोगिताका लागि संकलन हुन सक्ने आँकलन गरेको छ ।

प्रतियोगिताबाट बचेको रकम लाहाचोकस्थित जनजागरण आधारभुत विद्यालयको स्तरोन्नती र सोही ठाऊँमा रहेको शिव तथा विश्वकर्मा मन्दिरको निर्माणमा खर्च गरिने आयोजकले बताएको छ ।

विश्वकर्मा सेवा समाजले यसअगाडि लाहाचोकमै सामुदायिक भवन निर्माण सम्पन्न गरिसकेको छ । त्यो बाहेक स्थानियस्तरमा समुदायसँग सम्बन्धित विभिन्न क्रियाकलापमा उसले सक्रियता देखाउँदै आएको छ ।

Related News

सम्बन्धित समाचार

  • गण्डकीमा खेलाडी छनोट र बन्द प्रशिक्षण कार्यतालिका सार्वजनिक

    आदर्श समाज सम्वाददाता श्रावण ३१, २०७९
    पोखरा, ३१ साउन । नवौं राष्ट्रिय खेलकुद प्रतियोगिताका लागि प्रदेश खेलकुद परिषद् गण्डकीले छनोट र बन्द प्रशिक्षणका लागि कार्यतालिका सार्वजनिक गरेको…
  • पोखरामा राष्ट्रिय स्नुकर प्रतियोगिता

    आदर्श समाज सम्वाददाता श्रावण ३०, २०७९
    पोखरा । पोखरामा प्रथम राष्ट्रिय खुल्ला स्नुकर प्रतियोगिता–२०७९ हुने भएको छ । देविज स्नुकर क्लब आयोजनामा भदौ १२ देखि १९…
  • क्रिकेटमा सेन्ट्रल क्रिकेट एकेडेमीको जीत

    आदर्श समाज सम्वाददाता श्रावण २८, २०७९
    पोखरा । सेन्ट्रल क्रिकेट एकेडेमीले ३ खेलको एकदिवसीय क्रिकेट श्रृंखला २–० सँगै जितेको छ । श्रृंखलाको अन्तिम खेल शनिबार पोखरा…
  • ‘स्वस्थ नागरिकका लागि खेलमैदान’

    धनबहादुर गुरुङ श्रावण २८, २०७९
    पोखरा । ‘खेलकुद मन्त्रालयको कामले स्वास्थ्य मन्त्रालयलाई घाटा हुन सक्छ किनभने मैले सुगरका बिरामी नहोलाजस्तो देखेको छु ।’ यो अभिव्यक्ति…
  • लोकतान्त्रिक खेलकुदको बधाई

    आदर्श समाज सम्वाददाता श्रावण २४, २०७९
    पोखरा । नेपाल लोकतान्त्रिक खेलकुद संघ कास्की जिल्ला शाखाले संघमा जनप्रतिनिधि तथा विभिन्न संघ संस्थामा निर्वाचित सदस्यलाई सम्मान तथा बधाई…

hero news full width