लमजुङ, २३ जेठ । लमजुङको सुन्दरबजार नगरपालिका– २ को हाँडेटार क्षेत्रमा खानेपानी हाहाकार भएको छ । सुख्खायाम बढेसँगै गाउँमा खानेपानी अभाव बढ्ने गरेको नियति हाँडेटारका सर्वसाधरण लामो समयदेखि भोग्न बाध्य हुँदै आएका छन् ।
हाँडेटार अन्र्तगतका कुमालगाउँ, पाण्डे गाउँ, खहरेटार, साँघुटार क्षेत्रका बासिन्दाले खानेपानीको सास्ती भोग्दै आएको स्थानीय शिक्षक राजेन्द्र बसेलले बताए । उनका अनुसार ठुल्टारस्थित शान्ति एकता टोलमा रहेको सार्वजनिक धारोमा सानो पानी आउने र गाउँका सबैले त्यहींबाट पानी उपभोग गर्ने हुँदा आवश्यकता अनुरुप पानी पुग्दैन ।
टारको कुनामा रहेको गाउँसे ढापमा रहेको मुलबाट पानी ल्याईएको छ । मुहानमै पानी सानो भएकाले धारोमा पनि सानो आउने र त्यसले उपभोक्ताको मागलाई नधान्ने स्थानीय सिरमाया कुमालले बताए । मुहानमा पानी थुनिने, वितरण लाईनको ठाउँ–ठाउँमा अवरोध आउने जस्ता समस्याले पटक–पटक मर्मतसम्हार गर्नुपर्ने अवस्था सिर्जिने गरेको उनको भनाई छ ।
सो गाउँकी ७५ वर्षीया रश्मी कुमालले प्रत्येक वर्ष हिउँदको समयमा गाउँमा खानेपानीको निकै समस्या हुने गरेको बताउनु भयो । उहाँका अनुसार विवाह भएर गाउँमा बुहारी बनेर आएको दिनदेखि नै वर्षेनी यो समस्या देख्दै र भोग्दै आएको बताउछन् । उनले भने ‘हाम्रो भन्दा दुःख भएको कति गाउँठाउँमा पानीको कस्तो सुविधा भइसक्यो भन्छन् । खै, हाम्रो गाउँमा त जैले हेरे नि यस्तै छ ।’ उनका अनुसार मैले थाहा पाएदेखि नै यो गाउँमा खानेपानीको यस्तै दुविकाल छ ।’के कामकाजी महिला के गृहिणी सबैको समय खानेपानीको जागाड गर्दैमा वित्ने गरेको छ ।
गाउँमा बोरिङबाट समेत पानीको व्यवस्था गरिएपनि सो पानी पिउनयोग्य नहुँदा स्थानीयलाई थप सास्ती भएको छ । गाउँमा पर्याप्त पानी नहुँदा सयौं परिवारले वर्षौंदेखि समस्या भोग्दै आएको जिल्ला समन्वय समितिका प्रमुख लोकराज पाण्डेको जन्मगाउँसमेत हो हाँडेटार । पाण्डेले भने, ‘मैले आमाको चौरासी पुजा लगाउँदा ६ हजारको पानी किनेर काम चलाएँ, अवस्था यस्तो छ । आफु ठाउँमा पुगेको भन्दै स्थानीयले मुखै फोरेर खानेपानीको योजना ल्याउन आग्रह गर्दै आएको र सम्बन्धित कार्यालयमा एकसरो माग राखेको उनको भनाई छ । हिउँदमा मात्रै नभई वर्खायाममा पनि खानेपानी समस्या हुने स्थानीय बताउँछन् ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१