प्रधानमन्त्री कप एकदिवसीय क्रिकेट प्रतियोगितामा गण्डकी प्रदेशले लगातार तेस्रो हार व्यहोरेको छ। सोमबार कीर्तिपुर मैदानमा भएको खेलमा गण्डकी प्रदेश ५ सँग ३ विकेटले पराजित भएको हो।
जितसँगै प्रदेश ५ ले तालिकामा ५ अंक जोडेको छ। लिग चरणको आफ्नो अन्तिम खेलमा विजयी भएपनि प्रदेश ५ ले सेमिफाइनलमा स्थान बनाउन सकेन। यो समूहबाट ६ अंक जोडेका प्रदेश ३ र सशस्त्र प्रहरी बलको एपीएफ विजेता र उपविजेता बन्दै सेमिफाइनलमा पुग्न सफल भएका छन्।
गण्डकी प्रदेशले दिएको २३५ रनको लक्ष्य प्रदेश ५ ले ४९ दशमलव ५ ओभरमा पूरा गरेको थियो। प्रदेश ५ लाई जिताउन सौरभ खनालले ९० रन जोडे। उनले ११२ बल सामना गर्दा सौरभले १२ चौका प्रहार गरेका थिए। प्रणित थापामगरले ४५ रन जोड्दा निश्चल चौधरीले ३३ रन जोडे।
टस जितेर पहिला ब्याटिङ गर्दा अनिल गुरुङको शतकको मद्दतमा गण्डकी प्रदेशले २३४ रन बनाएको थियो। ओपनिङ गर्न आएका अनिलले ११५ रन बनाएर आउट भए। उनले १५२ बल फेस गर्दा ५ चौका र १ छक्का प्रहार गरे। ओपनिङ आएका अनिल नवौं विकेटको रुपमा आउट भएका थिए।
गण्डकीका दीपेश श्रेष्ठले २८ रन बनाउँदा कप्तान गोविन्द प्रधानले २६ रन बनाए। यस्तै, मेख शेनले २३ रन बनाउँदा किशोर महतोले आक्रामक पारी खेल्दै २० रनको योगदान गरे। उनले जम्मा ७ बलमा ३ छक्काको मद्दतले २० रन बनाएका हुन्।
प्रदेश पाँचका अनिल खरेलले ५ विकेट लिँदा विक्रम भुषालको नाममा २ विकेट रह्यो।
प्रदेश ३ सेमिफाइनलमा
प्रदेश ३ प्रधानमन्त्री कप एकदिवसीय क्रिकेट प्रतियोगिताको सेमिफाइनलमा प्रवेश गरेको छ। मूलपानी मैदानमा भएको खेलमा सुदूरपश्चिम प्रदेशलाई ६ विकेटले हराउँदै प्रदेश ३ ले अन्तिम चारको यात्रा पक्का गरेको हो।
प्रदेश ३ ले चार खेलबाट ६ अंक बनाएको छ। रन रेटमा अघि रहँदै प्रदेश ३ समूह ए को विजेताका रुपमा सेमिफाइनलमा पुगेको छ। राष्ट्रिय टिमका कप्तान पारस खड्काको नेतृत्वमा रहेको प्रदेश ३ ले सुदूरपश्चिमले दिएको १५५ रनको सामान्य लक्ष्य ३३ दशमलव २ ओभरमा चार विकेट गुमाउँदै पूरा गर्यो।
प्रदेश ३ को जितमा इशान पाण्डेले ५३ रनको योगदान दिए भने अदिल खानले अविजित ३३ रन बनाए। उनीसँगै कप्तान पारस खड्काले २६ रन जोडे। ओपनर रित गौतमले ११ र रविन जोशीले १३ रन बनाए।
यसअघि, टस जितेर ब्याटिङ गर्ने निर्णय गरेको सुदूरपश्चिमले ४५ दशमलव १ ओभरमा सबै विकेट गुमाउँदै १५४ रन बनाएको थियो। उसका लागि खड्क बोहराले सर्वाधिक ४० रन बनाए भने रोशन अधिकारीले २७ र नरेश बोहराले २६ रन जोडे।
सुदूरपश्चिमको ब्याटिङलाई सस्तैमा समेट्नका लागि सूर्य तामाङले ३ विकेट लिए भने प्रतिश जिसी र जितेन्द्रसिंह ठकुरीले समान २ विकेट लिए। नन्दन यादव र पारस खड्काले पनि समान १ विकेट लिए।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१