न्यूजिल्याण्डद्वारा श्रीलंका पराजित

आइसीसी विश्वकप क्रिकेट

एजेन्सी
जेठ १९, २०७६

एक दिवसीय विश्वकप क्रिकेट प्रतियोगितामा ‘डार्क हर्स’ न्युजिल्याण्डले विजयी यात्रा शुरुवात गरेको छ। श्रीलंकालाई १० विकेटले हराउँदै न्यूजिल्याण्डले १२ औं संस्करणको विश्वकपमा सुखद शुरुवात गरेको हो।

वेल्सको कार्डिफ क्रिकेट मैदानमा श्रीलंकाले दिएको १ सय ३७ रनको सामान्य चुनौतिलाई न्यूजिल्याण्डले बिनाक्षति १६ दशमलव १ ओभरमा भेट्टायो। मार्टिन गुप्टिलले ७३, कोलिन मुरो ५८ रनमा अविजित खेल्दै टोलीलाई शान्दार जित दिलाए।

शुरुमा टस जितेर न्यूजिल्याण्डले फिल्डिङ रोजेपछि ब्याटिङमा उत्रिएको श्रीलंका २९ दशमलव २ ओभरमा १ सय ३६ रनमा समेटिएपछि टोलीले सामान्य लक्ष्य प्राप्त गरेको थियो।

श्रीलंकाको लागि दिमुथ करुणारत्नेले ५२, कुशल परेराले २९ र तिसरा परेराले २७ रन बनाए। अन्य खेलाडीले दोहोरो अंकको स्कोर छुन सकेनन्। उसलाई सामान्य स्कोरमा रोक्न माट हेनरी र लुक फेर्गुसन, मिचेल सान्टनर, जेम्स निस्हाम र कोलिनर डि ग्राण्डहोमको नाममा समान १ विकेट रह्यो।

उता, अफ्गानिस्तानले अष्ट्रेलियालाई २ सय ८ रनको सम्मानजनक लक्ष्य दिएको छ। टस जितेर पहिले ब्याटिङ गरेको अफ्गानिस्तानले यो समाचार तयार पार्दासम्म ३८ ओभर २ बलमा अलआउट हुँदै २ सय ७ रन बनाएको थियो।

यसअघि इङ्ल्याण्ड, न्यूजिल्याण्ड र वेष्ट इण्डिजले विजयी शुरुवात गरिसकेका छन्।

Related News

सम्बन्धित समाचार

  • न्यू मोडलको फुटसल सुरु

    आदर्श समाज सम्वाददाता असार ७, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ७, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…
  • हक्की प्रतियोगिता हुँदै

    आदर्श समाज सम्वाददाता असार ७, २०८१
    पोखरा । प्रदेश खेलकुद परिषद गण्डकीको आयोजना तथा गण्डकी प्रदेश हक्की संघ व्यवस्थापनमा शुक्रबारदेखि प्रदेशस्तरीय अन्तरजिल्ला हक्की प्रतियोगिता हुँदैछ ।…
  • कास्की जुडोमा छन्त्याल

    आदर्श समाज सम्वाददाता असार ७, २०८१
    पोखरा । कास्की जिल्ला जुडो संघ अध्यक्षमा पद्म छन्त्याल निर्वाचित भएका छन् । संघको प्रथम अधिवेशनले छन्त्याललाई अध्यक्षमा सर्वसम्मत निर्वाचित…
  • भेट्रान कप फुटसल जारी

    आदर्श समाज सम्वाददाता असार ७, २०८१
    लमजुङ । प्रथम भेट्रान फुटसल लमजुङ कपमा दोस्रो चरणअन्तर्गत बुधबार ३ खेल भए । बेसीसहरस्थित सहजी खेल मैदानमा सञ्चालित दोस्रो…

hero news full width