अर्थमन्त्रीद्वारा ६ करोडको बचाउ

आदर्श समाज सम्वाददाता
जेठ १७, २०७६
Dr Yuba Raj Khatiwada_Fotor

अर्थमन्त्री डा युवराज खतिवडाले संघीय सांसदलाई निर्वाचन क्षेत्र विकास कार्यक्रमको रुपमा प्रदान गरिने ६ करोड रुपैयाँको बचाउ गरेका छन्। यो घोषणाको भने सामाजिक सञ्जाल र अन्यत्र समेत तीव्र विरोध भएको छ।

बजेट भाषण प्रस्तुत गरेको भोलिपल्ट राजधानीमा आयोजित पत्रकार सम्मेलनमा मन्त्री खतिवडाले विकासको अभियानबाट सांसदलाई विमुख गर्न नमिल्ने तर्क पेश गरे। आफूले लोकप्रिय बजेट ल्याएको स्वीकार गर्दै उनले राजनीतिक मुद्दा सकिए, अब विकासको मुद्दा भनिरहेका बेला विकास गर्छु भनेर आएका सांसदलाई निषेध गर्न नमिल्ने बताए। स्थानीय विकास पूर्वाधार साझेदारी कार्यक्रमको नाममा ४ करोड रुपैयाँ प्रदान गर्दै आइएकोमा यसपटक बजेटले त्यसलाई बढाएर ६ करोड रुपैयाँ पुर्याएको छ।

‘यो विकास गर्छौ, त्यो विकास गर्छौ भनेर चुनाव लड्नुभयो। उहाँहरुको जायज कुरा नसुनेर जाने प्रजातान्त्रिक विधि हुँदैन, ’ अर्थमन्त्री खतिवडाले पत्रकार सम्मेलनमा भने, ‘जनप्रतिनिधि नै संलग्न नभएको विकास कस्तो होला? ’ खतिवडाले सांसदलाई पैसा बाँडेको नभइ ६ करोड बराबरका योजना छनोट गरी त्यसको कार्यान्वयन अनुगमन गर्ने अधिकार प्रदान गरिएको भनाइ राखे।

उनले थपे, ‘हामीले जनप्रतिनिधिमूलक व्यवस्था रोज्यौं, जनप्रतिनिधिलाई विकाससँगै जोडेर चुनाव लड्यौं, जनमतलाई प्रतिविम्बित गर्ने जनप्रतिनिधिले नै हो। जायज कुरा नसुनेर जाने विधि प्रजातान्त्रिक विधि हुँदैन। अर्थमन्त्री खतिवडाका अनुसार राजनीतिक मुद्दाहरु सकिए, अब विकासको मुद्दा अगाडि सार्नुपर्ने बेला आएको छ। उनले जनप्रतिनिधिले आयोजना छनोट गर्ने अधिकारमात्र पाएको बताए। निर्वाचन क्षेत्रमा दिएको रकम दुरुपयोग हुन नदिन सबै चनाखो हुनुपर्ने भनाइ उनले अगाडि सारे।

चालु बजेटको खर्चबारे बोल्दै उनले दातृनिकायबाट शोधभर्ना लिनुपर्ने कागजात समयमा नै बन्न नसक्दा पनि कतिपय भुक्तानी रोकिएकोले चालु आर्थिक वर्षमा विकास खर्च ४४ प्रतिशतमात्र देखिएको उनको भनाइ छ। अर्थमन्त्री खतिवडाले आगामी आवमा पुँजीगत खर्च सुधार गर्न संरचनागत सुधारको प्रक्रिया अगाडि बढाइएको स्मरण गराए। कतिपय कानून निर्माणमा भएको ढिलाइले पनि चालु आर्थिक वर्षमा लक्षित राजश्व उठ्न नसकेको उनको भनाइ छ।

यसैगरी सकारात्मक आर्थिक विकासका लागि सरकारले अनावश्यक आयातमा रोक लगाएको बताउँदै उनले ठूला उद्योगी व्यवसायीले ट्याक्स क्रेडिट लिन पाउँदा पनि आगामी वर्षको लक्षित राजश्व लक्ष्य हासिल हुने दाबी गरे। चालु बजेटले जनतालाई निराश पारेको आरोप खेपेका अर्थमन्त्रीले नयाँ बजेट भने लोकप्रिय खालको ल्याउनुको कारण पनि खुलाए। उनले प्रष्ट्याए, ‘धेरै पर्खाईमा राखेर धर्यको बाँध टुटाउन हुन्न।

सडक सुधारका लागि डिजेल तथा पेट्रोलमा प्रतिलिटर एक रुपैयाँ सडक सुधार कर लगाइएको उनले बताए। उनले तपाईंहरु एक रुपैयाँ तिर्नुस्, खाल्डोबाट हामी जोगाउँछौं भने। सामाजिक क्षेत्र प्राथमिकतामा राखेका खतिवडाले पूर्वाधारमा पनि ठूलो अनुपातमा बजेट बढाएका छन्।

Related News

सम्बन्धित समाचार

  • नौमती बाजाः जीतको पर्याय

    धनबहादुर गुरुङ जेठ ९, २०७९
    पोखरा । पोखरा पृथ्वीचोकमा रहेको इन्द्रेणी नौमती मगर बाजा समूह आइतबार दिनभर व्यस्त रहे । टिमका १४ जनालाई बाजा बजाउन…
  • सार्वजनिक बिदाका दिन चलेका सरकारी गाडी नियन्त्रणमा

    आदर्श समाज सम्वाददाता जेठ ८, २०७९
    पाेखरा । सार्वजनिक बिदाका दिनमा सञ्चालन गरिएका सरकारी सवारी साधनलाई नियन्त्रणमा लिइएको छ। जिल्ला प्रहरी कार्यालय स्याङ्जाले सार्वजनिक बिदाका दिनमा…
  • महानगरमा बिदा नहुने

    रासस जेठ ८, २०७९
    काठमाडौं । काठमाडौं महानगरपालिकाले आइतबार सार्वजनिक बिदाको दिन बिहान ८ देखि ११ बजेसम्म कार्यालय सञ्चालन गर्ने भएको छ । कामपाको…
  • गणतन्त्र दिवस ३ दिन मनाइने

    आदर्श समाज सम्वाददाता जेठ ५, २०७९
    पोखरा । सरकारले गणतन्त्र दिवस ३ दिनसम्म मनाउने भएको छ । बिहीबार प्रधानमन्त्री तथा मन्त्रिपरिषद्को कार्यालयमा बसेको गणतन्त्र दिवस २०७९…
  • भारतीय प्रधानमन्त्री मोदी भोलि नेपाल भ्रमणमा आउँदै

    रासस जेठ १, २०७९
    लुम्बिनी । भारतका प्रधानमन्त्री नरेन्द्र मोदी नेपालको औपचारिक भ्रमणको सिलसिलामा भोलि बिहान ११ सदस्यीय प्रतिनिधिमण्डलको नेतृत्व गर्दै यहाँ आइपुग्दै हुनुहुन्छ…

hero news full width