रेष्टुरेण्ट एण्ड बार एशोसिएएन नेपाल (रेवान), पोखराको आयोजनामा बार टेण्डरसम्बन्धी तालिम विहीवार सम्पन्न भएको छ।

दुई दिनसम्म चलेको तालिममा सहभागीलाई रेवान पोखरा सल्लाहकार अग्रज पर्यटन व्यवसायी गणेशबहादुर भट्टराईले समापन अवसरमा प्रमाणत्र प्रदान गरे।

प्रमुख अतिथि भट्टराईले नेपाल सरकारले नेपाल भ्रमण वर्ष २०२० मनाउने तयारी गरिहरेको सन्दर्भमा नेपालमा दक्ष जनशक्तिको खाँचो रहेको औल्याए। पोखरा आउने स्वदेशी तथा विदेशी पाहुनालाई उनीहरुले खोजेजस्तै स्वाद र आतिथ्य प्रदान गरी उनीहरुलाई खुसी बनाउन दक्ष जनशक्तिको खाँचो पर्ने उनको भनाइ थियो।

तालिम संयोजक रेवान पोखराका कावा अध्यक्ष लक्ष्मण बरालले रेवानले आफू मातहतका रेष्टुरेण्टहरुको गुणस्तर वृद्धिमा वषेर्नी विभिन्न तालिम सञ्चालन गदैर्आएको जानकारी दिए।

तालिममा कक्टेल एण्ड ड्रिम्स स्कूल अफ बार एण्ड म्यानेज्मेण्टका प्रमुख कार्यकारी निर्देशक राजकुमार डिसीले सहजीकरण गरेका थिए।

नेपाल पर्यटन बोर्डको सहयोगमा सम्पन्न तालिममा रेवान पोखरामा आवद्ध विभिन्न रेष्टुरेण्टमा कार्यरत ५० जनाको सहभागिता थियो।

रेवान पोखराका निवर्तमान अध्यक्ष चौबहादुर गुरुङले सञ्चालन गरेको कार्यक्रममा सदस्य वसन्त गौतमले स्वागत मन्तव्य राखेका थिए।