पोखरा २७, अघौर्वेशी निवासी २५ वर्षीय सुरज भुजेलको उपचारको लागि आर्थिक सहयोग गरिएको छ। गत वैशाख १ गते लेखनाथमा साइकल दुर्घटनामा परी घाइते उनको मेरुदण्ड र घाँटीमा गम्भीर चोट लागेको छ।

आर्थिक अवस्था कमजोरका कारण उपचारमा सहयोगार्थ स्थानीयवासी एवं नेपाल लेखापढी कानून व्यवसायी एशोसिएसन कास्की अध्यक्ष खडानन्द लामिछानेको पहलमा ६० हजार रुपैयाँ संकलन गरी विहीवार उनका अभिभावक किसान भुजेललाई हरियोखर्क अस्पतालमै पुगेर हस्तान्तरण गरिएको हो।

आफ्नो पहलमा पोखरा २७ घर भै हाल जापान निवासी मञ्जु गिरीले ३५ हजार सहयोग गरेको जानकारी लामिछानेले दिए। यस्तै नेपाली काँग्रेस पोखरा २७ ले २५ हजार सहयोग गरेको हो। सो रकम लामिछानेसहित नेपाली काँग्रेस कास्कीका नेता वजिरमान श्रेष्ठ, राजेन्द्रमणि लामिछानेले संयुक्त रुपमा हस्तान्तरण गरेका हुन्।

उक्त सहयोगप्रति घाइते परिवारले हार्दिक आभार व्यक्त गरेका छन्।

दुर्घटनामा घाइते सुरजको यसअघि काठमाडौंस्थित अन्नपूर्ण न्यूरो हस्पिटलमा १६ दिनसम्म उपचार गरिएकोमा आर्थिक अभावमा पोखरा फर्काइएको थियो।

उनको हाल हरियोखर्क अस्पतालमा उपचार भैरहेकोमा उपचारमा निःशुल्क गनेर्बारे पहल भइरहेको खडानन्द लामिछानेले जानकारी दिए।