विषादी प्रयोग गरी पकाइएको आँप बजारमा

रासस
जेठ १६, २०७६
Mango-spread-on-the-ground-1200×800

लहान, १६ जेठ । आँपको राजधानी मानिने सिरहामा अहिले भारतको विभिन्न स्थानबाट स्वास्थ्यको दृष्टिकोणले हानिकारक मानिने कार्बाइड प्रयोग गरेर पकाइएको आँप बिक्री वितरण भइरहेको छ ।

स्थानीय किसानको बगैँचामा फलेको आँप असारको दोस्रो सातापछि मात्र पाक्ने भएपछि व्यापारीले कार्बाइड प्रयोग गरेर पकाइएको आँप बिक्री वितरण गरिरहेका छन ।

भारतको विभिन्न स्थानमा रहेका फलफूलका गोदाममा कार्बाइड प्रयोग गरी पकाएका आँपहरु सिरहा सदरमुकामसहित लहान, गोलबजार, मिर्चैयालगायतका शहरमा बिक्री भइरहेको स्थानीयवासीले बताएका छन । यसरी विभिन्न विषादी प्रयोग गरेर पकाइएको आँप स्वास्थ्यका लागि हानिकारक हुने भएकाले खान नहुने स्वास्थ्यकर्मीले बताएका छन ।

विषादी हालेर पकाइको आँपका कारण स्वास्थ्यमा जोखिम बढेको स्थानीयवासी सन्तोष साहको गुनासो छ । आँपमा विषादी हालेर पकाइएकाले स्वास्थ्यमा गम्भीर असर पर्ने भएकाले त्यस्तो आँप नखान चिकित्सकको सुझाव छ ।

आँप उत्पादनको दृष्टिकोणले सिरहा जिल्ला अग्रणी मानिन्छ । सिरहामा फल्ने आँप काठमाडौँ, विराटनगर, पोखरासहित मुलुकका विभिन्न शहरका साथै भारतलगायतका अन्य छिमेकी मुलुकमा निर्यात हुँदै आएको छ ।

Related News

सम्बन्धित समाचार

    • एमालेलाई जीत जोगाउनै सकस

      धनबहादुर गुरुङ जेठ ५, २०७९
      पोखरा । पोखरा महानगरको अघिल्लो चुनावमा दुइतिहाइ वडा जितेको नेकपा एमालेलाई यसपालि विगतको विरासत जोगाउनै मुस्किल परेको छ । यसपालिको…
    • जहाँ पुरानो जीत दोहोरिएन…

      आदर्श समाज सम्वाददाता जेठ ३, २०७९
      पोखरा । पहिले जितेका पालिकामा अधिकांश कांग्रेसलाई नोक्सान भएको छ । केही पालिकाहरुमा सत्ता गठबन्धनबीचको प्रतिस्पर्धाका कारण एमालेले नाफा कमाएको…
    • तनहुँमा एमाले ७, कांग्रेस ५, माओवादी २ वडामा निर्वाचित

      रासस जेठ १, २०७९
      तनहुँ । तनहुँमा नेकपा एमाले ७, नेपाली कांग्रेस ५ र नेकपा माओवादी केन्द्र दुई वडामा विजयी भएको छ । एमालेबाट…
    • पोखराको मेयरमा एकीकृत समाजवादीको अग्रता

      विजय नेपाल जेठ १, २०७९
      पोखरा, १ जेठ । पोखरा महानगरपालिकाको मेयरमा सत्ता गठबन्धनका उम्मेदवारले अग्रता लिंदा उपमेयरमा एमालेले अग्रता कायम राखेको छ । आइतबार…
    • पोखरामा एकीकृत समाजवादीको अग्रता कायमै

      रासस जेठ १, २०७९
      गण्डकी । पोखरा महानगरपालिकाको मतगणनामा नेकपा (एकीकृत समाजवादी) ले अग्रता कायम राखेको छ ।जारी मतगणनामा भएको एक हजार १०० मतको…

    hero news full width