१२ औं गणतन्त्र दिवसको सन्दर्भमा बुधबार वालिङमा सरसफाइ गरिएको छ।

वालिङ नगरपालिकाको आयोजना तथा वालिङ जेसीजको समन्वयमा नगरपालिका परिसरमा सरसफाइ गरिएको हो।

सरसफाइ कार्यक्रममा बोल्दै वालिङ नगर प्रमुख दिलिपप्रताप खाँणले लोकतन्त्रको पुनस्थापनाका लागि भएका जनआन्दोलनमा जीवन उत्सर्ग गर्नुहुने वीर शहीदप्रति गणतन्त्र दिवसका सन्दर्भमा स्मरण गरे।

गणतन्त्रको बलमा नै जनतामा अधिकार आएको भन्दै उनले यसको संस्थागत विकासमा सवै लाग्न जरुरी रहेको बताए।

सकारात्मक उद्देश्यले गरिएका जुनसुकै क्रियाकलापले समाज

परिवर्तनमा महत्वपूर्ण भूमिका खेल्ने नगर प्रमुख खाँणको भनाई थियो।

सरसफाइ कार्यक्रममा वालिङ नगर प्रमुखसहित जनप्रतिनिधि, कर्मचारी, विभिन्न संघसंस्थाका प्रतिनिधिको सहभागिता थियो।

गणतन्त्र दिवसकै सन्दर्भमा वालिङ जेसीजले फूलसहितका दुई ओटा गमला वालिङ नगरपालिकालाई हस्तान्तरण गरेको छ।