मुक्तिनाथ दर्शन गर्न हिडेकी भारतीय महिलाको मृत्यु

आदर्श समाज सम्वाददाता
जेठ १३, २०७६
slider-correct-3_12

पोखरा, १३ जेठ । मुस्ताङ जिल्ला स्थित मुक्तिनाथ मन्दिरमा दर्शन गर्न जाँदै गर्दा बसमा वेहोस भएकी एक भारतीय महिलाको मृत्यु भएको छ ।

बेनी– जोमसोम सडक खण्ड अन्तरगत मुस्ताङको थासाङ गाउँपालिका–४ माथिल्लो घाँसामा सोमबार बसमा यात्रा गरिरहेको अबस्थामा भारत बैंङ्लोर निवासी ६५ बर्षीया एल चुडामणि नाम गरेकी महिलाको मृत्यु भएको हो ।

पोखराबाट मुक्तिनाथ जाँदै गरेको ना.६ख. १२७२ नं को बसमा यात्रा गरेकी ति महिला अचानक बेहोस भएकी थिइन् । उनलाई उपचारका लागि पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताल ल्याइएको भएपनि उपचारकै क्रममा उनको मृत्यु भएको ४ नं प्रदेश प्रहरी कार्यालय पोखराले जानकारी दिएको छ । घटनाको बारेमा प्रहरीले थप अनुसन्धान शुरु गरेको छ ।

त्यस्तैगरी पोखरा–१भिमकाली पाटन स्थित पृथ्वीनारायण क्याम्पसको माथिल्लो गेट अगाडी सडक पेटीमा सोमबार नाम थन नखुलेको ३२÷३३ बर्षको पुरुष व्यक्ति मृत अवस्थामा फेला परेका छन् । उक्त घटनाको वारेमा अनुसन्धान शुरु गरिएको कास्की प्रहरीले जानकारी दिएको छ ।

Related News

सम्बन्धित समाचार

hero news full width