मिडिया काउन्सिल बिधेयक फिर्ता गर्न माग

आदर्श समाज सम्वाददाता
जेठ १३, २०७६
press union a

बुटवल, १३ जेठ । प्रेस युनियनले स्थापना दिवशका अवसरमा सरकारले ल्याएको मिडिया काउनसिल बिधेयक तत्काल फिर्ता लिन वा सच्याउन माग गरिएको छ ।

नेपाल प्रेस युनियन रुपन्देहीले युनियनको २८ औ स्थापना दिवशका अवसरमा सोमबार विहान बुटवलमा अन्तरक्रिया कार्यक्रम गरी त्यस्तो माग गरेको हो । कार्यक्रमका सहभागिहरुले मिडिया बिधेयक प्रेस स्वतन्ताको बिरुद्ध रहेको भन्दै अहिलेको सरकारले प्रेसलाई नियन्त्रण गर्न बिधेयक ल्याएकोले तत्काल फिर्ता लिनुपर्ने माग राखेका थिए ।

काग्रेस रुपन्देहीका सभापति तथा पूर्वराज्यमन्त्री अब्दुलले संबिधानको मूलमर्म बिपरीत कानून बनाउन र बिधेयक ल्याउन सरकार सक्रिय हुन थालेको आरोप लगाए । प्रेसमाथिको हस्तक्षेप र दमन केवल प्रेस माथिको मात्र नभई सम्पूर्ण नागरिकको आवाजलाई कुण्ठित गर्नु हो त्यस्तो हुन काग्रेसले दिदैन–उनले भने ।

काग्रेस रुपन्देहीका सचिव रामकृष्ण खाँणले दलहरु सडकमा आउन नसक्दा पत्रकारहरुले नै दललाई सडकमा आउन बाध्य पारेको स्मरण गर्दै अहिले सरकारले बिधेयक फिर्ता नगरे त्यो सरकारका लागि नै घातक हुने बताए ।

युनियनका सल्लाहकार हरि लम्सालले राजाका पालामा दुला भित्र दल बस्दा ति दललाई आन्दोलनमा अघि लगाएर पत्रकारले शुरुवात गरेको बताए । नेपाल पत्रकार महासंघ रुपन्देहीका उपसभापति निरु गौतमले मुलुक संघीय लोकतान्त्रिक गणतन्त्रमा गईसक्दा समेत प्रेसलाई नियन्त्रण गर्न सरकार नै लाग्नु दुखद भएको बताइन । युनियका रुपन्देही सभापति रेखा भुसालको सभापतित्वमा भएको कार्यक्रममा युनियन रुपन्देहीका सस्थापक सभापति बालनरसिंह गुरुङ, उपसभापति दिपक घिमिरे , सचिव श्याम शंकर पाण्डे लगायतले बोलेका थिए ।

Related News

सम्बन्धित समाचार

hero news full width