पोखरा, १२ जेठ । पोखरा–१५को सिद्ध मावि फलेपाटनमा ५० हजार बराबरको झोला तथा स्टेशनरी सामान वितरण गरेको छ ।

बालहितकारी परियोजना नेपालले विद्यालयमा कक्षा २ र ३ मा अध्ययनरत ५० जना विद्यार्थीलाई शैक्षिक सामाग्री वितरण गरेको हो । कार्यक्रमका प्रमुख अतिथि पोखरा महानगरपालिका वडा नं.१५ का वडाध्यक्ष प्रकाश पौडेलले विपन्न वर्गका विद्यार्थीको आर्थिक अभाव केही हदसम्म कम गर्न र शैक्षिक गुणस्तर वृद्धि गर्न यस्ता क्रियाकलापले सहयोग पुग्ने बताए ।

समाजसेवी गोविन्दराज पहारीले आफ्नो संस्थाले सधैँ बालबालिकाको हितका लागि कार्य गर्ने र अहिले सोही अन्तर्गत विद्यार्थीलाई सहयोग गरेको बताए । विद्यालयका प्रधानाध्यापक गुरुदत्त कोइरालाले विद्यार्थीलाई सहयोग गर्दा उनीहरुको पढाई प्रति चासो वढ्ने बताए ।