प्रावि सञ्चालन गर्न साढे छ लाखको अध्यक्षकोष स्थापना

आदर्श समाज सम्वाददाता
जेठ १२, २०७६
Tribhuwan+Seondary+School

लमजुङ, १२ जेठ । लमजुङको एक प्राथमिक विद्यालयमा साढे छ लाखको अध्यक्षकोष स्थापना गरिएको छ । गुरुङ समुदायका व्यक्तिहरूको सक्रियतामा गाउँमा प्रावि कक्षा सञ्चालनका लागि सो अक्षयकोष स्थापना गरिएको हो ।

क्होलोसोथँर गाउँपलिका– १ नजरेबेसीस्थित साम्राङ गाउँमा रहेको लोकबाल प्राथामिक विद्यालयमा विद्यालयको व्यवस्थापन तथा विद्यार्थी आकर्षण गर्ने उद्देश्यले अध्यक्ष कोष स्थापना गरिएको विद्यालय व्यवस्थापन समितिका अध्यक्ष आशवहादुर सार्कीले बताए ।

उनका अनुसार गतवर्ष स्थापना गरिएको अक्षयकोषका लागि स्थानीय भूतपूर्व व्रिटिश लाहुरे चन्द्रप्रसाद गुरुङले १ लाख २५ हजार, किशोर गुरुङले १ लाख २५ हजार प्रदान गरेका छन् । यसैगरी, पदमवहादुर गुरुङले १ लाख, धिरवहादुर गुरुङले ७५ हजार, ओमन्द्र गुरुङले ५० हजार सहयोग गर्नुभएको उहाँको भनाई छ । त्यस्तै, श्रीप्रसाद गुरुङ, वुद्धिप्रसाद गुरुङ, मोहोनवहादुर गुरुङ, खुसवहादुर गुरुङ, गिरेन्द्र गुरुङ र सरोज घलले जनही २५÷२५ हजारका दरले सहयोग गरी कोषको रकम कुल ६ लाख २५ हजार रुपैयाँ सहयोग संकलन भएको छ । हाल विद्यालयको केही रकम र व्याज सहित ६ लाख ७७ हजार ४ सय रुपैयाँ विद्यालयको कोषमा जम्मा भएको उनले जानकारी दिए ।

कक्षा– १ देखि ३ कक्षा सम्म पढाई हुने उक्त विद्यालयमा हाल १४ जना विद्यार्थी अध्ययनरत छन् । गाउँमै विद्यालय नहुदाँ गाउँका वालवालिकालाई टाढा जानुपर्ने वाध्यता थियो । साना वालवालिकालाई समस्या भएकाले उक्त गाउँमा सामुदायिक विद्यालय स्थापना गरिएको स्थानीय अभिभावक चन्द्रप्रसाद गुरुङले बताए । उनका अनुसार विद्यालयका लागि आफ्ना वुवा लोकवहादुरले जग्गा किनी दिएकाले पनि उक्त विद्यालयको नाम आफ्नो वुवाआमाको नाममा राखिएको हो । लोकवहादुर गुरुङ र उहाँकी पत्नी बालकुमारी गुरुङको नाममा लोकबाल प्रावि २०४९ सालमा स्थापना भएको हो ।

Related News

सम्बन्धित समाचार

hero news full width