बाँदर नियन्त्रणमा सांसद पहारीले दश लाख दिने

आदर्श समाज सम्वाददाता
जेठ १०, २०७६
4876-monkeys-1296×728-header

पोखरा, १० जेठ । गण्डकी प्रदेशसभा सदस्य राजीव पहारीले कास्कीको अन्न्पूर्ण गाउँपालिकामा बाँदर नियन्त्रण गर्न १० लाख दिने आश्वासन दिएका छन् ।

अनौपचारिक क्षेत्र सेवा केन्द्र (इन्सेक) गण्डकीले अन्नपूर्ण गाउँपालिकामा गरेको ‘शिक्षा, स्वास्थ्य तथा खाद्य अधिकार’ विषयक सार्वजनिक सुनुवाई कार्यक्रममा पहारीले यस्तो आश्वासन दिएका हुन् ।

कृषकका समस्या केही हदसम्म पुरा गर्ने उदेश्यले बाँदर नियन्त्रणका लागि सांसद विकास कोषबाट १० लाख रुपैयाँ दिने उनले आश्वासन दिएका छन् । राष्ट्रिय मानवअधिकार आयोगका निर्देशक दिपकजंग ध्वज कार्कीले गाउँपालिका सबै वडाको प्रोफाइल तयार गर्न आग्रह गरे । ‘सबै तथ्यांकहरु संकलन गरौं त्यसले काम गर्न सहज बनाउँछ–कार्कीले भने ।

कृषि उत्पादनमा अत्याधिक विषादी प्रयोग हुन थालेको प्रति चिन्ता व्यक्त गर्दै अनुगमनको खाँचो औल्याए । अन्नपूर्ण गाउँपालिकाका कार्यकारी प्रमुख शेषकान्त पौडेलले नीति तथा कार्यकक्रमाको बारेमा प्रकाश पारेका थिए ।

‘नीति तथा कार्यक्रममा जनताको स–साना समस्याहरुलाई समेट्ने छौं’,उनले भने । स्वास्थ्य निरीक्षक टिकाराम भण्डारीले स्वास्थ्य क्षेत्रमा सुधारको खाचो भएको औल्याए । अन्नपूर्ण गाउँपालकाका शिक्षा प्रमुख बलराम भुगाई विद्यालयमा राजनीति गर्नेलाई कारवाही गर्ने प्रतिवद्धता व्यक्त गरे ।

Related News

सम्बन्धित समाचार

hero news full width