पोखरा, १० जेठ । पोखरा–२९ भण्डारढिकमा नेपाल भारतमैत्री समाजद्धारा स्थानीय युवा क्लबलाई खेल सामाग्री र आमा समुहलाई सिलाइ मेसिन, पाल र खानेपानी ट्यांकी ड्रम प्रदान गरिएको हो ।

नेपाल–भारत मैत्री समाज पोखरा शाखाद्वारा कार्यक्रम आयोजना गरिएको हो । नेपाल–भारत मैत्री समाजका केन्द्रीय अध्यक्ष प्रेम लस्करीको प्रमुख आतिथ्यतामा भएको कार्यक्रममा नेपाल–भारत मैत्री समाज गण्डकी प्रदेशका संयोजक निर्मल गुरुङ, मानव अधिकार परिषद् नेपालका केन्द्रीय अध्यक्ष तुलसी थापा लगाएतले मन्तव्य राखेका थिए ।

कार्यक्रममा स्थानीय ६ युवा क्लबलाइ ९ थान भलिबल, २० थान फुटबल, २ थान बास्केटबल ,अर्घौ तमु समाजलाई २ थान पाल र १ थान ३००० लिटरको खानेपानी ट्याकी ड्रम प्रदान गरिएको थियो । त्यस्तै ७ वटा आमा समुहलाई १८ थान सिलाइ मेसिन बितरण गर्नुको साथै महिलालाई स्वरोजगार, सीपको संरक्षण र खेलकुदको बिकास गर्ने उदेश्यले ति सामाग्री प्रदान गरिएको हो ।

कार्यक्रममा सामाजिक क्षेत्रमा कृयाशिल २० जना सामाजिक ब्यक्तिवलाई मानव अधिकार परिषद नेपाल द्वारा सम्मान गरिएको थियो । नेपाल–भारत मैत्री समाज पोखरा लेखनाथ शाखा अध्यक्ष क्याप्टेन धन बहादुर गुरुङको अध्यक्षतामा सम्पन्न भएको उक्त कार्यक्रमको सन्चालन संस्थाका महासचिव मेजर रामप्रसाद गुरुङले गरेका थिए ।