पोखरा, ७ जेठ । पोखरा १८ को खपौंदीदेखि पदेलीहुँदै वडा कार्यालयसम्म पुग्ने सडकलाई स्तरोन्नति गर्ने काम सुरु भएको छ । पहाडी भू–भागलाई महानगरको केन्द्रसँग जोड्नका लागि पोखरा महानगरपालिकाले उक्त सडकलाई कनेक्टिङ सडकमा राखेर काम अगाडि बढाएको हो ।
सडकको काम धमाधम भइरहेको पोखरा १८ का वडाध्यक्ष रणबहादुर थापाले जानकारी दिए । उनका अनुसार २ किमी सडकलाई नालासहित ८ मिटर फराकिलो बनाइने छ । सडकको १ हजार १ सय ३५ मिटरसम्म ग्राबेलिङ गरिने पोखरा १८ का सब इन्जिनियर प्रशान्त बरालले जानकारी दिए । बरालका अनुसार ३० प्रतिशत काम सकिएको छ । सडकमा १ सय १५ मिटर नाला निर्माण गरिने छ ।
सडकको ६ ठाउँमा गरी ४ सय ४० घनमिटर ग्याबियन भर्नुका साथै पाँच ठाउँमा पाइप कल्र्भट, २ ठाउँमा सिँचाइका पाइप राखिने महानगरको सहरी पूर्वाधार महाशाखाले जनाएको छ । महाशाखाका अनुसार सडकको २ ठाउँमा रिटेनिङ वाल पनि निर्माण गरिने छ । महानगरले उक्त काम गर्न १ करोड ५० लाखको टेन्डर गरेकामा देभचुली लोयल जेभीले ९८ लाख ९६ हजारमा काम सक्ने गरी महानगरसँग सम्झौता गरेको छ ।
गत चैत ११ गते भएको सम्झौता अनुसार निर्माण कम्पनीले आगामी भदौसम्ममा उक्त काम सक्ने समयसिमा तोकिएको छ । ग्रामीण भूभागलाई केन्द्रसम्म जोड्नका लागि महानगरपालिकाले कनेक्टिङ सडकलाई प्राथमिकतामा राखेको पोखरा महानगरपालिका प्रमुख मानबहादुर जिसीले जानकारी दिए ।
पोखरा २३ मा पर्ने ठूलाखेत हर्पनहुँदै चैनपुर पञ्चासे सडकलाई पनि फराकिलो पार्ने काम सुरु भएको छ । पोखरा २३ का वडाध्यक्ष विष्णु पराजुलीका अनुसार सडक खण्डको साढे २ किमी सडकलाई फराकिलो बनाइने छ ।
नालासहित ८ मिटर चौडाइको सडकमा ४० मिटर नाला निर्माण गरिने छ । सडकको २ ठाउँमा गरी १ सय ३५ घनमिटर ग्याबिनय भरिने छ । महानगरले उक्त काम गर्नका लागि ५० लाखमा टेन्डर आह्वान गरेकोमा केडी कस्ट्रक्सनले ३० लाख २९ हजारमा काम सक्ने गरी सम्झौता गरेको छ । सम्झौता अनुसार तोकिएको काम आगामी भदौसम्ममा काम सम्पन्न हुनुपर्नेछ ।
Related News
सम्बन्धित समाचार
मुग्लिन पोखरा सडक विस्तार अन्तर्गत डुम्रे बजारका घर भत्काउन थालियो
नागरिकतासम्बन्धी ऐन तत्काल कार्यान्वयन नगर्न आदेश
सापकोटा कल्याण केन्द्र कास्कीमा यमनाथ
नासो–जिबिएस एस्ट्रोनोमी क्लब गठन
विस्मृतिमा अन्नपूर्ण प्रथम हिमाल
hero news full width
मुख्य समाचार
गण्डकीमा सुरुङ मार्ग : काम हुँदैन, नीति कार्यक्रमबाट चर्चा बटुल्ने बाटो
गण्डकीको नीति तथा कार्यक्रम : सानो थैली, महत्वाकांक्षी कार्यक्रम
जेठ २२, २०८०१५ मुर्रा राँगाबाट १ लाख भैँसीमा नश्ल सुधार गरिने
जेठ २१, २०८०गण्डकी सरकारको नीति तथा कार्यक्रममा स्वास्थ्य र शिक्षालाई प्राथमिकता – हेर्नुहोस् पूर्ण पाठ
जेठ २१, २०८०गण्डकीको नीति तथा कार्यक्रम आज
जेठ २१, २०८०भारत भ्रमण परिणाममुखी : प्रधानमन्त्री दाहाल
जेठ २१, २०८०