काँग्रेस जागरण अभियानलाई शुभेच्छुक संस्थाको सहयोग

आदर्श समाज सम्वाददाता
जेठ ५, २०७६
congress photo

पोखरा, ५ जेठ । नेपाली काँग्रेसले सुरु गरेको जागरण अभियानलाई कास्कीका शुभेच्छुक संस्थाहरुले विभिन्न कार्यक्रम गरी अभियानलाई सफल बनाउने भएका छन् ।

नेपाली काँग्रेस कास्कीले शुभेच्छुक संस्थाहरुका अध्यक्ष र प्रतिनिधिसँग आइतबार छलफल गरी जेठ २५ गतेसम्म विभिन्न कार्यक्रमको आयोजना गर्ने निर्णय गरेको हो ।

जागरण अभियानका प्रतिनिधि एवं पार्टी केन्द्रीय सदस्य अर्जुन जोशीले अभियानकै क्रममा जनताको घरमा पुगेर राय लिने क्रममा कम्युनिष्टको सरकारको विकल्पमा जनताले काँग्रेस नै खोजेको हुँदा सबै एक भएर जनतामाझ जान आग्रह गरे ।
उनले जनवर्गीय संगठनलाई आ–आफ्ना मुद्दाबारेमा जनतालाई सुसूचित गराउन पनि आग्रह गरे ।

काँग्रेस कास्कीका सभापति कृष्ण केसीले काँग्रेसलाई बलियो बनाउन शुभेच्छुक संस्थाहरुको भूमिकामा महत्वपूर्ण हुने बताए ।
कार्यक्रममा काँग्रेस कास्कीका उपाध्यक्ष आईबहादुर गुरुङ, सचिव सुदीपमोहन भट्टराई, सचिव देवेन्द्र रानाभाट, कोषाध्यक्ष लक्ष्मी पाण्डे, सहसचिव रंगीला आचार्य, क्षेत्रीय सभापति पोषनाथ शर्मा, नेपाल लोकतान्त्रिक खेलकुद संस्थाका अध्यक्ष देवेन्द्रकुमार शेरचन, दलित संघका केन्द्रीय सदस्य परशुराम बि. पोखरेल, किसान संघ कास्कीका सभापति भेषराज पराजुली, किसान संघका केन्द्रीय सदस्य अमृतकुमार श्रेष्ठ, ट्रेड युनियनका उपमहासचिव केशव भट्टराई, नेपाल आदिवासी जनजाति संघ कास्कीका अध्यक्ष आशबहादुर गुरुङ, नेपाल महिला संघ कास्की सभापति कोपिला रानाभाट, नेपाल लोकतान्त्रिक खेलकुद संस्थाका अध्यक्ष ओम बस्नेत, नेपाल भूपू सैनिक संघका केन्द्रीय सदस्य खम्बासिंह गुरुङ लगायतले बोलेका थिए ।

यस्तै, नेपाल मुस्लिम संघ कास्कीका अध्यक्ष हारुण खाँन पैठान, तरुण दल कास्कीका कोषाध्यक्ष जीवन बास्तोला, नेपाल प्रेस युनियन कास्कीका सचिव प्रदीप पौडेल, शिक्षक संघ कास्कीका उपाध्यक्ष खिमनाथ तिमिल्सिना, नेविसंघका केन्द्रीय सदस्य देवकृष्ण पराजुली, गोपाल गुरुङ, पूनम भट्ट, नेवि संघ कास्कीका निवर्तमान सभापति विकास थापा, टे«ड युनियन कास्कीका अध्यक्ष विजयराज भण्डारी, तरुण दल रुपाकोट सभापति अजिम बक्स मियाँ, दलित संघ कास्कीका सभापति दुर्गाबहादुर सुनार, प्रजातान्त्रिक प्राध्यापक संघका केन्द्रीय सदस्य योगराज लामिछाने, प्राध्यापक संघ पोखराका सभापति सन्दीप थापा लगायतले काँग्रेस जागरण अभियानलाई सफल पार्नुपर्नेमा जोड दिए ।

यसैबीच, कास्की काँग्रेसले कास्कीका ३ वटै क्षेत्रमा क्षेत्रीय स्तरका कार्यक्रम सम्पन्न गरेको छ भने दोस्रो चरणमा महानगर, गाउँपालिका, वडा, इकाइ सम्म कार्यक्रम गर्ने जनवर्गीय संगठनहरुले जिल्लासँग समन्वय गरी कार्यक्रम गर्नेछन् ।

Related News

सम्बन्धित समाचार

  • निर्वाचनका लागि ४० दल दर्ता

    आदर्श समाज सम्वाददाता श्रावण २९, २०७९
    पोखरा । आगामी मंसिर ४ मा हुने प्रतिनिधिसभा र प्रदेशसभा सदस्य निर्वाचनका लागि हालसम्म ४० राजनीतिक दलले दल दर्ता गराएका…
  • गोरखा गठबन्धनमा गन्जागोल

    आदर्श समाज सम्वाददाता श्रावण २८, २०७९
    पोखरा । २०७४ को संसदीय निर्वाचनमा गठबन्धनकै कारण गोरखाका दुवै क्षेत्रमा कांग्रेसले उम्मेदवारी दिन पाएन । कमजोर क्षेत्र १ मा…
  • एमालेको विरोध प्रदर्शन

    आदर्श समाज सम्वाददाता श्रावण २७, २०७९
    पोखरा । महँगी, भ्रष्टाचार र राष्ट्रघातको विरुद्ध नेकपा (एमाले) गलकोटले विरोध प्रदर्शन गरेको छ । एमाले संयुक्त जनसंगठन समन्वय समिति…
  • चुनाव घोषणापछि एमाले सक्रिय : वर्षदिन अघि सरकार बन्यो, अहिले पो विरोध ?

    आदर्श समाज सम्वाददाता श्रावण २३, २०७९
    पोखरा । संसदमा सुस्ताएको नेकपा एमाले बल्ल ब्युँझिएको छ । तत्कालीन पृथ्वीसुब्बा गुरुङ नेतृत्वको सरकार ढलेपछि बनेको सरकार गठनबारे आलोचना…
  • ‘केपी ओली सत्तामा आउने बाटो सकियो’

    आदर्श समाज सम्वाददाता श्रावण २२, २०७९
    पोखरा । नेकपा (एकीकृत समाजवादी) का अध्यक्ष माधवकुमार नेपालले एमाले अध्यक्ष केपी शर्मा ओली अब सत्तामा आउने बाटो सकिएको बताएका…

hero news full width