पोखरा, ५ जेठ । ताप्लेजुङमा हेलिकप्टर दुर्घटनामा परि मृत्यु भएका पर्यटन व्यवसायी आङछिरिङ शेर्पाको नाममा लुम्बिनीमा गुम्बा बन्ने भएको छ।

यति एयरलाइन्सका निर्देशक समेत रहेका शेर्पाको सम्झनामा परिवारले ५ करोड लगानीमा गुम्बा बनाउन लागेको हो। भिक्षुलाई ध्यान गर्न, आगन्तुक भिक्षु र दशनार्थीका लागि आवासको समेत व्यवस्था हुने गरी आधुनिक गोन्पा (गुम्बा) निर्माण गर्न लागेको पारिवारिक स्रोतले जनाएको छ।

लुम्बिनी विकास कोषको १४ रोपनी क्षेत्रफलमा बन्ने गुम्बाको शनिबार प्रधानमन्त्री केपी शर्मा ओलीले शिलान्यास गरेका हुन। पर्यटन व्यवसायी शेर्पाको नाममा आठ चुचुरा भएको नेपालकै नमूना डिजाइनमा गुम्बा निर्माण हुने भएको छ।

नेपाल भ्रमण वर्ष २०२० लाई सहयोग पु¥याउन र विश्वभरका भिक्षुहरुलाई ध्यान गर्न सहयोग पुग्ने गरी दुई वर्ष भित्र सो गुम्बा निर्माणको काम सक्ने लक्ष्य रहेको पारिवारिक स्रोतले जनाएको छ। लुम्बिनी कोषको गुरुयोजना अन्र्तगत रहेर हालसम्म लुम्बिनी क्षेत्रभित्र २३ वटा राष्ट्रका गुम्बा निर्माण भई सकेका छन्। ।