प्राचीन संस्कृति जोगाउन देउराली पूजा

आदर्श समाज सम्वाददाता
जेठ ४, २०७६
deurali puja 1

पोखरा, ४ जेठ । प्राचीन संस्कृति जोगाउने लक्ष्यका साथ सिलिङ्गे चेतना महिला समूहको आयोजनामा पोखरा महानगरपालिका वडा नं ३३ हुडिकोट देउरालीमा आज सामूहिक पूजा गरिएको छ ।

खडेरी परेका अवस्थामा धुमधामसँग पूजा गरी पानी माग्ने र सोही दिन पानी पर्ने गरेको वास्तविकता समेतका आधारमा अत्यन्त श्रद्धाभक्तिपूर्वक पूजा गरिने देउराली मन्दिरमा संस्कृतिको निरन्तरताका लागि पूजा गरिएको हो ।

यस वर्ष खडेरीको समस्या नरहे पनि सबैको सुख, शान्ति र समृद्धिको कामना गर्दै देउराली पूजा गरिएको सिलिङ्गे चेतना महिला समूहकी अध्यक्ष लक्ष्मी पौडेलले जानकारी दिइन् ।

यस अघि बलीपूजा गर्ने गरिए पनि यस वर्ष नरिवलको बलि दिएर पूजा गरिएको जानकारी दिदै अध्यक्ष पौडेलले समूहले देउराली पूजालाई वर्षेनी निरन्तरता दिइने जानकारी गराइन् ।

स्थानीय समाजसेवी लोकबहादुर महतले प्राचीन कालदेखि विशेषतः खडेरी परेका बेलामा देउरालीको विशेष पूजा गर्ने गरिएको जानकारी दिदै पूजाका दिन पानी पर्ने गरेको वास्तविकताका कारण पनि यस शक्तिपीठ प्रतिको आस्था विश्वास बढ्दै गएको बताए ।

प्रचलन अनुसार प्रत्येक वर्षको बैशाख शुक्ल पूर्णिमाका दिन गरिने देउराली पूजा हुडिकोट देउराली सहित यहाँका अन्य विभिन्न शक्तिपीठमा पनि एकसाथ गर्ने गरिएको थियो ।

उनका अनुसार यहाँका माझथरका वासिन्दाले हुडिकोट देउराली, धारपानीका वासिन्दाले भैरम थान, बरपौवाका वासिन्दाले व्यारथोक देउराली र मासवारी टोलका वासिन्दाले नाउरुङमा एक साथ एकै दिन पूजा गर्दै आएका थिए ।

हुडिकोट देउराली यस क्षेत्रको महत्वपूर्ण शक्तिपीठ भएको बताउँदै बयोबृद्ध तीलकराम पौडेलले हाम्रा प्राचीन संस्कृतिलाई जोगाइराख्नु अपरिहार्य भएकामा जोड दिए ।

केही वर्ष अघिसम्म सामान्य चौतारोमा ढुङ्गाको शिला मात्र रहेको देउराली थानलाई सिलिङ्गे चेतना महिला समूहको सकृयतामा मन्दिर सहित कम्पाउन्डिङ्ग गरिएको समूहकी पूर्व अध्यक्ष कर्णकुमारी महतले बताइन् ।

महत्वपूर्ण शक्तिपीठ भएका कारण पूजाको निरन्तरताका साथै यसको संरक्षण र विकास अपरिहार्य भएको उनको भनाइ छ ।

Related News

सम्बन्धित समाचार

  • राष्ट्रपतिलाई प्रजातान्त्रिक विकास समाजले दियो बधाई

    आदर्श समाज सम्वाददाता चैत्र ६, २०७९
    पोखरा । सम्माननीय राष्ट्रपति रामचन्द्र पौडेललाई प्रजातान्त्रिक विचार समाजले आज राष्ट्रपति पदमा निर्वाचित हुनुभएको बधाई तथा सफल कार्यकालको शुभकामना दिएको छ…
  • रासायनिक मलमा दिँदै आएको अनुदान यथावत राख्ने सरकारको निर्णय

    आदर्श समाज सम्वाददाता चैत्र ६, २०७९
    पोखरा ।  कृषि तथा पशुपन्छी विकास मन्त्रालयको विषयगत समितिले गरेको निर्णय रोक्दै सरकारले रासायनिक मलमा दिँदै आएको अनुदान यथावत राख्ने…
  • न्यायिक समितिबीच अनुभव साटासाट

    आदर्श समाज सम्वाददाता चैत्र ६, २०७९
    पोखरा । पोखरा महानगरपालिका र घोराही उपमहानगरपालिकाको न्यायिक समितिबीच अनुभव आदानप्रदान गरिएको छ । घोराहीका उपप्रमुख हुमकुमारी डिसीको नेतृत्वमा आएको…
  • ‘गल्याङ नगरपालिका कृषिमा आत्मनिर्भर’

    आदर्श समाज सम्वाददाता चैत्र ६, २०७९
    पोखरा । स्याङ्जाको गल्याङ नगरपालिका आलु र सुन्तला र दूधजन्य वस्तुमा आत्मनिर्भर भएको र गल्याङ नगरपालिकाभित्र उत्पादित वस्तुको बजारीकरणमा कुनै…
  • जिसस महासंघ गण्डकीको सपथ

    आदर्श समाज सम्वाददाता चैत्र ५, २०७९
    पोखरा । जिल्ला समन्वय समिति महासंघको चौथो राष्ट्रिय परिषद बैठकबाट निर्वाचित गण्डकीका पदाधिकारी तथा सदस्यको सपथ ग्रहण आइतबार भएको छ…

hero news full width