पोखरा, ३ जेठ । समाजवादी पार्टी नेपालका अध्यक्ष बाबुराम भट्टराईले केपी नेतृत्वको नेकपा सरकार अधिनायकवाद तर्फ अगाडी वढेको आरोप लगाएका छन् ।
समाजवादी पार्टी नेपालको प्रादेशिक अभिमुखीकरण कार्यक्रमलाई शुक्रवार पोखरामा सम्वोधन गर्दै अध्यक्ष भट्टराईले भने–वर्तमान सरकारबाट जनताले समृद्धि र विकासको आशा गर्न वेकार छ ।
उनीहरु नवसामन्त र महाराजा बनेका छन्, उनीहरु भ्रष्टाचार र कमिशनतन्त्रमा लिप्त छन्, नवधनाढ्य भएका छन्, भट्टराईले भने– आम नागरिकले विकल्पको रुपमा नयाँ राजनीतिक पार्टी खोजिरहेको छ ।
नेपाली काँग्रेसको युग सकियो, प्रजातन्त्र स्थापनामा उसको भूमिका रह्यो अब काँग्रेस पार्टीलाई म्यूजीयममा सम्मान गरेर राख्नु पर्छ , भट्टराईले भने– जनताको समृद्धि र विकास गर्न नयाँ पार्टीको रुपमा समाजवादी पार्टी अगाडी वढ्ने छ ।
वि.स. २००७ सातदेखि भएका आन्दोलनले नेपालमा लेख्ने र वोल्ने अधिकार त प्राप्त भयो तर समावेशी लोकतान्त्रिक गणतन्त्र प्राप्त हुन सकेन । आम नागरिकले भ्रष्टाचार मुक्त सुशासन, समृद्धि र विकास चाहेका छन् त्यो वर्तमान सरकारले एक बर्ष वितिसक्दा पनि दिन सकेन भट्टराईले भने– वैशाख २३ गते एकीकरण भएको समाजवादी पार्टी अव नयाँ ढंगबाट अगाडी वढ्ने छ ।
समाजवादी पार्टी नेपालका अध्यक्ष तथा उपप्रधान एवं स्वास्थ्यमन्त्री उपेन्द्र यादवले वर्तमान सरकारले संविधान संशोधनमा गरेको सहमति कार्यान्वयन गरेन भने सरकारबाट बाहिरीएर सडक सघंष गर्ने चेतावनी दिए ।
सरकार आफैले गरेको सम्झौता र प्रतिवद्धता पुरा गर्दैन भने मैले के भन्न सक्छु र ? यादवको प्रश्न थियो । वर्तमान सरकार नै संघीय गणतन्त्र सफल हुदैन भनेर प्रचारमा जुटेको आरोप पनि यादवको थियो ।
संघीयता गरीब, मधेशी, आदिवासी जनजाति, सिमान्तकृतका लागि, लोकतान्त्रिक गणतन्त्रबाट प्राप्त अधिकारलाई जोगाएर थप अधिकारका लागि संघर्ष गर्नु पर्नेमा उनले जोड दिए ।
समाजवादी पार्टीका बरिष्ठ नेता अशोक राईले नेपालमा रहेको संघीयता अपाङ्ग रहेको छ यसलाई बलियो बनाएर अगाडी वढ्नुको विकल्प नभएको बताए । मुलुकले लिएको आर्थिक नीति गलत छ यसले देशको विकास र समृद्धि सम्भव छैन, राईले भने– नेकपा उल्टो गतिमा अगाडी वढ्दै छ ।
दुई पार्टी वैचारिक रुपमा एकता भएको छ, यो सार्थक रुपमा अगाडी वढ्छ, उनले भने अव सांगठानिक रुपमा पनि अगाडि वढ्छ, उनले भने– गुटहरु मिलाउन पार्टी एकता भएको हैन ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१