व्यवहारीक शिक्षा वेरोजगार अन्त्यको आधारः अध्यक्ष तिमिल्सिना

सिर्जना पन्त
जेठ ३, २०७६
ganesh_Fotor

बागलुङ, २ जेठ। राष्ट्रिय सभा अध्यक्ष गणेशप्रसाद तिमिल्सिनाले विद्यार्थीलाई जबर्जस्ती नभइ उनीहरुको ईच्छाअनुरुप व्यवहारिक शिक्षा हासिल गर्न दिनुपर्नेमा जोड दिएका छन्।

बागलुङको काठेखोला गाउ“पालिका–७ रेशस्थित रेश नुन्थला माध्यामिक विद्यालयले सञ्चालन गरेको शैक्षिक महोत्सव विहीवार उद्घाटन गर्दै उनले बालबालिकालाई करकापमा नभइ उनीहरुको ईच्छाअनुरुप व्यवहारिक शिक्षा प्रदान गर्न सकेमात्र भोलिका दिनमा स्वरोजगार बन्न सक्ने बताए।

अध्यक्ष तिमिल्सिनाले शिक्षालाई रोजगार, उद्यमशिलता लगायत विषयमा जोड्न सकेमा मात्र शिक्षा आर्जन गरेको व्यक्ति खाली हात बस्न नपर्ने बताए। ‘अहिलेको सरकारले व्यवहारिक शिक्षामा जोड दिएको छ’ उनले भने, ‘व्यवहारिक शिक्षासँग जोडेर अध्यापन गराउने विद्यालयलाई विशेष प्राथमिकता दिने नीतिमै व्यवस्था गर्नेछौ। ’ तिमिल्सिनाले नीति निर्माणसँगै बागलुङको समग्र विकासमा सक्दो प्रयास गर्ने बताए। समृद्ध नेपाल निर्माणका आधारहरु आजका बालबालिका भएको भन्दै शिक्षा आर्जनपछि विदेश जाने परिपाटी अन्त्यका लागि सरकार संवेदनशील रहेको बताए।

उनले हरेक नेपालीको आर्थिक विकासका लागि उद्यमशिलता आवश्यकता रहेको भन्दै प्रत्येक नागरिक प्रत्यक्ष तथा अप्रत्यक्ष रुपमा उद्यमशीलतासँग जोडिनुपर्ने आवश्यकता रहेको बताए। अभिभावकका कारण नै छोराछोरी बिग्रन सक्ने भन्दै अभिभावक सजग हुनुपर्ने तिमिल्सिनाको धारणा रहेको थियो। अहिलेको शिक्षा वैदेशिक रोजगारीमा जान प्रेरित गर्ने खालको भएको भन्दै यसलाई निरुत्साहित गर्न सबै लाग्नुपर्नेमा तिमिल्सिनाले जोड दिए।

कार्यक्रममा प्रतिनिधिसभा सदस्य डा सूर्य पाठक, नेपाल रेडक्रस सोसाइटी जिल्ला शाखा बागलुङ सभापति जब्बरबहादुर लामिछाने, विद्यालय व्यवस्थापन समिति पूर्व अध्यक्ष डिलबहादुर कार्की लगायतले बोलेका थिए। कार्यक्रममा जनवादीगायक जीवन शर्माले परिवर्तनका लागि जनताको साथ र नेताहरुको इमान्दार प्रयासमा जोड दिँदै सांगीतिक कार्यक्रम प्रस्तुत गरे।

यस्तै इन्द्रेणी समूह संयोजक कृष्ण कँंडेलले रेशका भौगोलिक स्थानको नाम सहितको गीत प्रस्तुत गरे।

काठेखोला गाउँपालिका वडा ७ का वडाध्यक्ष प्रेम लामिछानेको अध्यक्षतामा भएको कार्यक्रममा विद्यालय व्यवस्थापन समिति पूर्व अध्यक्ष चित्रबहादुर कार्कीको स्वागत र शिक्षक डिलबहादुर कार्कीले सञ्चालन गरेका थिए।

शैक्षिक महोत्सव अवसरमा विद्यालयले सञ्चालन गरेको सहयोग गरौं अभियानमा हालसम्म एक करोडभन्दा बढी रकम संकलन भइसकेको विद्यालय प्रअ ओमबहादुर थापाले बताए।

विद्यालयको शैक्षिक उन्नयनका लागि आर्थिक संकलन गर्ने उद्देश्यले वैशाख ३१ गते देखि सञ्चालित शैक्षिक महोत्सव जेठ ४ गतेसम्म चल्नेछ।

शैक्षिक महोत्सवबाट संकलन भएको रकमले विद्यालयको भौतिक पूर्वाधार, कम्प्युटर ल्याव, विज्ञान प्रयोगशाला, पुस्तकालय लगायतका आधारभूत आवशयकता परिपूतिका लागि खर्चने विद्यालयले जनाएको छ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width