कारागारलाई कैदी–बन्दी मैत्री बनाउन माग

आदर्श समाज सम्वाददाता
जेठ २, २०७६
Karagar-study-Lamjung

लमजुङ, २ जेठ । लमजुङका जिल्ला कारागार शाखामा थुनामा रहेका कैदिबन्दीहरूले कारागारलाउै कैदीबन्दीमैत्री बनाउन माग गरेका छन् । उनीहरुले उक्त कारागार शाखामा आएका प्रमुख तथा कारागार सुरक्षा प्रमुखलाई स्वागत गर्दै त्यस्तो माग गरेका हुन् ।

जिल्ला कारागार शाखामा थुनामा रहेका कैदीबन्दीहरूले उक्त कारागार शाखामा सरुवा भई आउनुभएका कारागार प्रमुख विष्णप्रसाद पौडेल र कारागार सुरक्षा प्रमख प्रहरी सहायक निरिक्षक प्रेमलाल चौधरीलाई खदा र टिका लगाएर स्वागत गर्दै कारागार शाखालाई कैदीबन्दीमैत्री बनाइदिन माग गरेका हुन् ।

स्वागत कार्यक्रममा जिल्ला कारागार शाखाका प्रमुख विष्णुप्रसाद पौडेलले कानुनले उपलब्ध गराएका सेवा प्रवाहमा कन्जुस्याई नगर्ने प्रतिवद्धता जनाउनुभयो । उहाँले कारागार भित्र आइपर्ने कैदिवन्दीहरूका समस्यालाई समधान गर्न आँफू सदैव सकरात्मक रहने र यहाँ आएका सुझावलाई ध्यानमा राखेर सकेसम्म कैदीबन्दी बनाउने प्रयासरहत रहने बताए ।

त्यसैगरी जिल्ला कारागार शाखाका सुरक्षा प्रमुख प्रहरी सहायक निरिक्षक प्रेमलाल चौधरीले काम गर्न सहज हुने गरी कारागार भित्रको सुरक्षा व्यवस्थालाई मजबुत बनाउने बताए । कार्यक्रमको अबसरमा जिल्ला कारागार लमजुङमा कैद भुक्तान गरीरहेका कैदी बन्दी राजन पोख्रेलले कारागारको अवस्था तथा समस्याहरूको बारेमा जानकारी गाराउँदै कारागार शाखालाई कैदीबन्दी मैत्री बनाइदिन माग गरेका थिए ।

सो अवसरमा उनीसहितका कैदीबन्दीले कारागार भित्र आफ्ना घरमा परिवारजन तथा नातेदारसँग दोहोरो टेलिफोन गर्ने व्यबस्था मिलाईदिन, पानीको उचित व्यवस्था गर्न, पत्रपत्रिकाहरू उपलब्ध गराई दिन कारागार प्रमुखसँग माग गरेका थिए ।

सो कारागारमा क्षमता भन्दा झण्डै तेब्बर बढी कैदीबन्दी रहेको कारणले बसाई व्यवस्थापनमा पनि अप्ठ्यारो भएको उनीहरुले बताए । कार्यक्रमका जिल्ला कारागार शाखाका स्वास्थ्य सहायक मनिशाकुमारी चन्दले आफूँले कारागारको निमित्त कार्यलय प्रमुख भएर काम गर्दा कारागार आन्तरिक प्रशासनले कार्यसम्पादनमा सहयोग गरेको बताउँदै धन्यवाद ज्ञापन गरेका थिए ।

सो अवसरमा कैदीबन्दी जितबहादुर अधिकारी, दिनेश परीयार र महेन्द्र गुरुङले मन्तव्य राख्दै कारागारका प्रमुख द्वयलाई स्वागत गरेका थिए । ‘ग’ श्रेणीको २५ जना बस्ने क्षमता रहेको उक्त जिल्ला कारागार शाखामा हाल ८१ पुरुष, ९ महिला गरी ९० जना कैदीबन्दी रहेका कारागार प्रशासनले जानकारी दिएको छ ।

Related News

सम्बन्धित समाचार

  • लुम्लेमा आगलागी

    आदर्श समाज सम्वाददाता फागुन १३, २०८०
    पोखरा । अन्नपूर्ण गाउँपालिका–६, लुम्लेको भीरमा आगलागी भएको छ । आइतबार दिउँसो स्थानीय गुप्ते भीरबाट सुरु आगलागी यो समाचार तयार…
  • न्यायाधीश थपलिया र निरौलालाई पदमुक्त गर्न सिफारिस   

    आदर्श समाज सम्वाददाता फागुन १३, २०८०
    काठमाडौं ।  न्याय परिषद्को आजको बैठकले उच्च अदालतका न्यायाधीश नवराज थपलिया र जिल्ला न्यायाधीश अम्बिकाप्रसाद निरौलालाई पदमुक्त गर्न प्रधानन्यायाधीशसमक्ष सिफारिस…
  • माउन्ट अन्नपूर्णको ४५ औं अभिभावक दिवस

    आदर्श समाज सम्वाददाता फागुन १२, २०८०
    पोखरा । माउण्ट अन्नपूर्ण माविमा ४५ औं अभिभावक दिवस मनाइएको छ । पर्यटन व्यवसायी, कर्ण सकारात्मक सोचका संस्थापक तथा लेखक…
  • ‘मिथ्या सूचनाबाट राजनीतिक उपलब्धिमाथि प्रहार’   

    आदर्श समाज सम्वाददाता फागुन १२, २०८०
    काठमाडौं । : पछिल्लो समयमा मिथ्या सूचनाबाट प्राप्त राजनीतिक उपलब्धिमाथि लगातार प्रहार हुन थालेको भन्दै चिन्ता व्यक्त गरिएको छ ।…
  • बजेट अभावमा रोकिए तीन जिल्लाका चार सडक   

    आदर्श समाज सम्वाददाता फागुन १२, २०८०
    गलकोट ।  तीन जिल्लाका चार ठूला सडक बजेट अभावका कारण निर्माण रोकिएको छन् । सङ्घीय सरकारअन्र्तगत २०७९ सालमा सुरु भएका…

hero news full width