भिमादमा सहकारी बैकको क्षेत्रीय अन्तक्रिया

आदर्श समाज सम्वाददाता
वैशाख ३१, २०७६
60170519_3240378159321416_555105496302878720_o

तनहुँ, ३१ वैशाख । तनहुँको भिमाद नगरपालिकामा एक दिने सहकारी ऐन, नियमावली र सहकारी बैंक सम्बन्धी अन्तरक्रिया कार्यक्रम सम्पन्न भएको छ ।

राष्ट्रिय सहकारी बैक लिमिटेड दमौली शाखाद्वारा आयोजित कार्यक्रममा भिमाद नगरपालिकाका उपप्रमुख शारदा खनालले गरेका थिए । सो अवसरमा बोल्दै उनले सामाजिक न्याय सहितको व्यवसाय गर्ने क्षेत्र सहकारी भएकाले सहकारीलाई वेवास्ता गरेर समृद्धि संभवन नभएको बताए ।

स्थानीय सरकारलाई बलियो बनाउनका लागि सहकारीको प्रवद्र्धन गर्नु पर्नेमा जोड दिदै उनले सहकारीलाई वेवास्ता गरेर स्थानीय सरकार बलियो बन्न नसक्ने धारणा राखे ।

जनतासंग प्रत्यक्ष सम्बन्ध भएको, वित्तीय कारोबार लगायत उत्पादन, प्रशोधन र बजारीकरणका लागि सहकारी र स्थानीय तहबीच सहकार्य हुनु पर्नेमा जोड थियो । सहकारी बैंक र स्थानीय तहहरुबीच सहकार्य गरेर सहकारी संघ संस्थालाई व्यवस्थित बनाउन पहलकमदी आवश्यक रहेको उनको भनाइ थियो ।

कार्यक्रममा सहकारी ऐन, नियमावली र राष्ट्रिय सहकारी बैंक विषयमा बैंकका सञ्चालक तथा गण्डकी प्रदेशका संयोजक रामबहादुर जिसीले सहजीकरण गरेका थिए । सञ्चालक जिसीले सहकारी संघ संस्थाहरुको वित्तीय क्षमता विकाससंगै संस्थागत विकास र सहकारीकर्मीहरुको क्षमता विकासका लागि सहकारी बैंकले सहयोग गर्ने प्रतिवद्धता व्यक्त गरे ।

Related News

सम्बन्धित समाचार

hero news full width