इङ्लिस प्रिमियर लिगको उपाधि म्यानचेस्टर सिटीले जित्यो

एजेन्सी
वैशाख ३०, २०७६
Manchester 1

पोखरा, ३० वैशाख । म्यानचेस्टर सिटीले ब्राइटनलाई ४–१ ले हराउँदै इंग्लिस प्रिमियर लिगको उपाधि जित्यो ।

प्रिमियर लिगको यो सिजनको अन्तिम खेलमा ब्राइटन एण्ड होभ अल्वियोनलाई ४–१ ले पराजित गर्दै म्यान्चेष्टर सिटीले उपाधि जितेको हो । योसँगै म्यानचेस्टर सिटी सन् २००९ यता लगातार दोस्रो पटक लिगको उपाधि जित्ने पहिलो टिम बनेको छ ।

खेलको २७ मिनेटमा ब्राइटनका लागि ग्लेन मुरेले गोल गर्दै टिमलाई अग्रता दिलाएका थिए । तर त्यो ब्राइटनको अग्रतालाई टोलीले कायम राख्न सकेन । सिटीले ब्राइटनको त्यो अग्रतालाई एक मिनेटमै तोडिदियो । खेलको २८ औँ मिनेटमा म्यानचेस्टर सिटीका लागि सर्जियो अगुइरोले बराबरी गोल गरे । त्यसपछिको खेलमा पूरा हाबी रहेको म्यानचेस्टर सिटीले तीन गोल थप्यो ।

खेलको ३८ औँ मिनेटमा म्यानचेस्टर सिटीका लागि एमेरिक लापोर्तेले दोेस्रो गोल गरे । खेलको ६३ औँ मिनेटमा रियाद मेहरेजले सिटीका लागि तेस्रो गोल गरे भने चौथो गोल ७२ औँ मिनेटमा इल्के गुन्डोगानले गरे ।

म्यानचेस्टर सिटीले २०१८/१९ सिजनमा ३८ खेलमध्ये ३२ मा जित हात पार्दै ९८ अंकका साथ प्रिमियर लिगको उपाधि उचाल्यो ।

म्यानचेस्टर सिटीसँगै अन्तिमसम्म उपाधि होडमा रहेको लिभरपुल फुटबल क्लबले अन्तिम खेलमा वुल्भ्सलाई २–० ले हराए पनि सिटीले खेल जितेका कारण उ दोस्रो स्थानमा रह्यो । लिभरपुलका लागि साडियो मानेले १७ औँ र ८१ औँ मिनेटमा गोल गरे ।

लिभरपुलले ३८ खेलमध्ये ३० खेलमा जित हात पार्दै ९७ अंकका साथ दोस्रो स्थानमा रहँदा ७२ अंकका साथ चेल्सी तेस्रो स्थानमा रहन सफल भयो । त्यस्तै टोटनह्याम ७१ अंकका साथ चौथो स्थानमा रहन सफल भएको छ ।

Related News

सम्बन्धित समाचार

  • कास्की जुडोमा छन्त्याल

    आदर्श समाज सम्वाददाता असार ७, २०८१
    पोखरा । कास्की जिल्ला जुडो संघ अध्यक्षमा पद्म छन्त्याल निर्वाचित भएका छन् । संघको प्रथम अधिवेशनले छन्त्याललाई अध्यक्षमा सर्वसम्मत निर्वाचित…
  • भेट्रान कप फुटसल जारी

    आदर्श समाज सम्वाददाता असार ७, २०८१
    लमजुङ । प्रथम भेट्रान फुटसल लमजुङ कपमा दोस्रो चरणअन्तर्गत बुधबार ३ खेल भए । बेसीसहरस्थित सहजी खेल मैदानमा सञ्चालित दोस्रो…
  • गुरुकुल फुटसल उपाधि लर्नस्लाई

    आदर्श समाज सम्वाददाता असार ७, २०८१
    पोखरा । गुरुकुल विद्यासदन, पोखरा आयोजनामा एसइई दिएर बसेका विद्यार्थीलक्षित गरी भएको फुटसल प्रतियोगिताको उपाधि लर्नर्स एफसी (एसओएस गण्डकी) ले…
  • प्रथम भेट्रान कप फुटसलमा पहिलो चरणका खेल जारी

    आदर्श समाज सम्वाददाता असार ४, २०८१
    लमजुङ । प्रथम भेट्रान फुटसल लमजुङ कपको पहिलो चरणका ९ खेल सकिएका छन् । तेस्रो दिन सोमबारसम्म ९ खेल सकिएका…
  • हेमजा भेट्रान्समा वडा ६, १० र २५ क्वाटरफाइनलमा

    आदर्श समाज सम्वाददाता असार ४, २०८१
    हेमजा । हेमजा युनाइटेडको आयोजना तथा पोखरा महानगरको संरक्षणमा पोखराको हेमजामा शनिबारदेखि सुरु भएको अन्तरवडा स्तरीय हेमजा भेट्रान्स कप २०८१…

hero news full width