फूलबारी क्लबको अध्यक्षमा बास्तोला

आदर्श समाज सम्वाददाता
वैशाख २९, २०७६
fullbari club photo

पोखरा २९, वैशाख। पोखरा–११ मा रहेको फूलबारी क्लबको २८ औं बार्षिक साधारण सभा तथा अधिवेशन शनिबार सम्पन्न भएको छ ।

उक्त अधिवेशनले हरिप्रसाद बास्तोला अध्यक्षमा नयाँ कार्यसमिति चयन गरेको छ । त्यसैगरी उपाध्यक्षमा हरिश्चन्द्र बास्तोला, सचिव मनोज बास्तोला, सहसचिव जर्नादन बास्तोला र कोषाध्यक्षमा पुरुषोत्तम बास्तोला चयन भएको छन् ।त्यसैगरी सदस्यहरुमा रजनी बास्तोला, युवराज बास्तोला, सीता रेग्मी, राजन बास्तोला, गणेश कार्की र नारायणप्रसाद बास्तोला राजु सर्वसम्मत चयन भएका छन् ।

प्रमुख अतिथि पोखरा महानगरपालिकाका प्रमुख मान बहादुर जि.सीले अधिवेशनको उद्घाटन गदै समाजिक संस्थाहरुको समन्वय र सहयोगमा समाजले परिर्वनको अनुभव गर्न सक्ने विश्वास व्यक्त गरे । त्यसैगरी वडा अध्यक्ष मोहनप्रसाद बास्तोलाले क्लबको सक्रियता र वडाको सहयोगमा क्लबले नमूना कार्यहरु गरेको भन्दै धन्यवाद व्यक्त गरे ।

उक्त कार्यक्रममा पूर्व अध्यक्ष एवम् सल्लाहकार टुवराज बास्तोला विशाल, पार्क उप समितिका संयोजक दामोदर बास्तोला, कानूनी सल्लाकार तथा निर्वाचन संयोजक अधिवक्ता रोहितराज बास्तोला, वडा सदस्य मिनबहादुर गुरुङ, सिद्देश्वर महिला समूहकी अध्यक्ष शारदा बास्तोला लगायतले शुभकामना व्यक्त गरेका थिए ।

उक्त कार्यक्रममा ८० वर्ष उमेर पुगेका जेष्ठ आजीवन सदस्य तथा सदस्यका अभिभावकहरुलाई सम्मान गर्नुका साथै मूर्तिकार तथा साहित्यकार भरत आचार्य र युवा समाजसेवी बद्रीनाथ घिमिरेलाई सम्मान गरिएको थियो । कार्यक्रममा आर्थिक अवस्था कमजोर भएका काहूँ पाण्डेथोकका चित्रप्रसाद बराललाई दुई वण्डल जस्ता पाता सहयोग गरिएको थियो ।

क्लबका अध्यक्ष हरिशचन्द्र बास्तोलाको अध्यक्षतामा सम्पन्न कार्यक्रममा स्वागत उपाध्यक्ष रामचन्द्र बास्तोलाले गरेका थिए भने कोषाध्यक्ष नवराज बास्तोलाले आर्थिक , सचिव दामोदर आचार्यले प्रगती प्रतिवेदन प्रस्तुत गरेका थिए ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width