पोखरा, २८ वैशाख । पोखरा–१४ चाउथेमा शुक्रवार राति ११.३० बजे अमरसिंहचोकवाट चाउथेतर्फ एकै दिशा गइरहेको मिक्चरमा स्कुटर ठोक्किदा स्कुटर चालक एक युवाको मृत्यु भएको छ ।

ग १ क २६६६ नम्बरको मिक्चरमा ग १५ प २५८६ नम्बरको स्कुटर ठोक्किदा स्कुटर चालक पोखरा–३१ वेगनासका २५ बर्षीय अजय भट्टराईको मृत्यु भएको जिल्ला प्रहरी कार्यालय कास्कीले जानकारी दिएको छ ।

दुर्घटनामा परी गम्भीर घाइते भट्टराईको पोखरा स्वास्थ्य विज्ञान प्रतिष्ठान अन्तरगत पश्चिमाञ्चल क्षेत्रीय अस्पतालमा उपचारकै क्रममा शुक्रवार राति १२.०० वजे मृत्यु भएको प्रहरीले जनाएको छ ।