पोखरा, २७ वैशाख । कास्कीको मादि गाउँपालिका याङ्जाकोटमा विगतको वर्षमा जस्तै यस वर्ष पनि याङ्जाकोट महोत्सव हुने भएको छ ।
२५६३ औं बुद्ध जयन्तिको अवसर पारेर जेष्ठ १ गतेदेखि ४ गतेसम्म महोत्सव चल्ने शुक्रबार आयोजित पत्रकार सम्मेलनमा बताइएको छ ।
याङ्जाकोट मिलन युवा क्लबको आयोजनामा हुने महोत्सवमा खेलकुद, लोकदोहरी, साँस्कृतिक नाच प्रतियोगिता लगायत विभिन्न साँस्कृतिक कार्यक्रमहरु आयोजना गरिने बताइएको छ ।
याङ्जाकोटको प्राचीन परम्परा र संस्कृृतिलाई निरन्तरता दिने र गाउँ छाडेर बाहिर गएकाहरुलाई गाउँ फर्काउने, आन्तरिक र बाह्य पर्र्यटक भित्राई ग्रामीण पर्यटकीय क्षेत्रको रुपमा गाउँलाई पर्यटकीय क्षेत्रको रुपमा विकास गर्ने उद्देश्यले महोत्सव गरिदैं आएको क्लबका अध्यक्ष विकास गुरुङले बताए । उनका अनुसार क्लब यतिखेर महोत्सवको तयारीमा जुटेको छ ।
लोपोन्मुख साँस्कृतिक परम्परा घाँटु, सोरठी र कृष्ण चरित्र लगायतको संस्कृति र परम्पराको संरक्षण गर्ने महोत्सवको उद्देश्य रहेको क्लबका संस्थापक अध्यक्ष देवीजंग गुरुङले बताए । याङ्जाकोट गाउँको होमस्टेको विकाससँगै स्थानीयलाई आत्मनिर्भर बनाउने महोत्सवको अर्को उद्देश्य रहेको गुरुङले जानकारी दिए ।
गण्डकी प्रदेश आर्थिक मामिला मन्त्री किरण गुरुङले महोत्सवको उद्घाटन गर्ने कार्यक्रम छ । महोत्सवको अवसरमा शिक्षा क्षेत्रमा योगदान गरेको भन्दै बाबुराम पन्त र चिनु रानाभाट तथा वैदेशिक रोजगारको क्षेत्रमा योगदान गरेवापत तिलक रानाभाटलाई सम्मान गर्ने कार्यक्रम छ ।
क्लबले स्थापना गरेको अक्षयकोषका लागि सहयोग गर्ने अक्षयकोषदाताहरुलाई समेत सम्मान गर्ने कार्यक्रम छ । ०७२ सालमा स्थापना गरिएको क्लबको अक्षयकोषमा हालसम्म ४० लाख संचित रकम पुगेको क्लबका सचिव योगेन्द्र गुरुङले जानकारी दिए ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१