पोखरा २६ वैशाख । पोखरा–२४ ले एकल महिलालाई सम्मान तथा अभिमुखीकरण कार्यक्रम सम्पन्न गरेको छ । आफनो वडा अन्र्तगत रौरुक लगायत तल्लो क्षेत्रमा बसोबास गर्ने एकल महिलालाई सम्मान गरेको छ ।

बिहिबार दौरुकस्थित सरस्वती कुञ्ज प्राथमिक विद्यालयको भवनमा आयोजित कार्यक्रममा ९० जना एकल महिलालाई सम्मान गरेको हो । पोखरा महानगरपालिकाका उपप्रमुख मञ्जुदेवी गुरुङले सल ओढाएर सम्मान गरिन् । कार्यक्रममा बोल्दै उपप्रमुख गुरुङले एकल महिला प्रति हेर्ने दृष्टिकोणमा परिर्वतन र सम्मानजनक व्यहार गर्नुपर्ने जोड दिइन् ।

उनले विधुवा शब्द प्रति आपत्ति नभएको बताउदै विधुवा महिलालाई हेर्ने दृष्टिकोण र व्यवहारप्रति आपत्ति भएको बताइन् । ‘शब्द कोर्षमा त्यही शब्द छ त्यसमा हाम्रो आपत्ति हैन्, तर हेर्न दुष्टिमा परिर्वतन सम्मानजनक व्यवहार हुनुपर्छ ।’ उपप्रमुख गुरुङले विधुवा महिलाले सिन्दुर बाहेक सवै लगाउन हुने बताउदै परिर्वतन आफुबाटै सुरुवात हुनुपर्नेमा जोड दिइन् ।

उनले महिलाहरु आर्थिक रुपमा सवल र सक्षम हुनुपर्ने बताइन् । ‘महिलालाई आर्थिक रुपमा आत्मनिर्भर बनाउदै सवल र सक्षम बनाउने उद्देश्यले उपप्रमुखसंग महिला कार्यक्रम सञ्चालन गरेका छौ ।’ वडा अध्यक्ष ओम सुवेदीले भौगोलिक विविधताले गर्दा सवैलाई एकैचोटी सम्मान गर्न नसकिने भएकाले भेग मिलाएर माथिल्लो र तल्लो भेगमा फरक फरक समयमा गरिएको बताए ।