यार्सा टिप्न लेकतिर

आदर्श समाज सम्वाददाता
वैशाख २६, २०७६
yartsagumba

लमजुङ, २५ वैशाख। मनाङमा यार्सागुम्बा टिप्ने सिजन शुरु भएको छ। मनाङका विभिन्न लेकहरुमध्ये राम्रो यार्सागुम्बा पाउने नाम्ग्य खर्कमा यस वर्षकै पहिलो यार्सागुम्बा टिप्नको लागि पुर्जी जारी गरिएसँगै यार्सागुम्बा टिप्ने सिजन शुरु भएको हो। त्योसँगै सुरक्षा प्रबन्ध पनि कडा बनाइएको छ।

जडीबुटी यार्सागुम्बा निकै बहुमूल्य मानिन्छ। यार्सागुम्बा टिप्न मनाङवासी मात्र नभइ छिमेकी लमजुङ, गोरखा, धादिङ तथा नुवाकोट जिल्लाबाट समेत मानिसहरू मनाङका लेकतिर जाने गर्दछन्।

ताचै बगरछाप र नार गाउँमा पर्ने नाम्ग्य खर्कमा यार्सागुम्बा संकलनको लागि बैशाख १६ बाट जारी हुने गरी पुर्जी खुला गरेको अन्नपूर्ण संरक्षण क्षेत्र व्यवस्थापन समिति मनाङका कार्यालय प्रमुख बाबुलाल तिरुवाले बताए। उनका अनुसार पुर्जी काटेर नाम्ग्य खर्कमा यार्सागुम्बा टिप्नको लागि मानिस हिडिसकेको र कति पुर्जी लिएर जाने क्रममा रहेका छन्।

नाम्ग्य लेकमा यार्सागुम्बा टिप्न ३६ लाख २० हजार रुपैयाँमा ठेक्काको टेन्डरमार्फत जिम्मा पाएको मेघबहादुर बराइलीले बताए। उनका अनुसार यस वर्ष पहिलो पटक यार्सागुम्बा संकलनको लागि पुर्जी खुला गरिएको हो। ठेकेदार बराइलीका अनुसार नाम्ग्य लेकमा यार्सा खोज्न जानेहरूका लागि विभिन्न दरभाउसमेत लगाइएको छ। नाम्ग्य लेकमा यार्सागुम्बा खोज्न जानको लागि ६ सय जनालाई मात्र अनुमति दिइने छ। यार्सागुम्बाको सिजन शुरु भएसंगै सुरक्षा ब्यवस्था समेत कडाई गरिएको जिल्ला प्रहरी कार्यालय मनाङका इन्सपेक्टर श्रवणकुमार विकले बताए। यार्सागुम्बा खोज्ने क्रममा मनाङको नारमा गोरखा केरौंजाका ७ जनाको २०६६ सालमा हत्या भएको थियो। त्यसपछि सुरक्षा स्थिति कडा बनाउन थालिएको हो। नारस्थित नाम्ग्य खर्कमा गोरखाका सात जनाको स्थानीयबासीले हत्या गरीदिएपछि मनाङको साविकको नार र फु गाविसमा यार्सा संकलन रोकिएको थियो। नार घटनापछि एक्याप मनाङले यार्सा संकलनलाई ब्यवस्थित बनाउन थालेको छ।

Related News

सम्बन्धित समाचार

  • आज गुरुपूर्णिमा पर्व मनाइँदै

    आदर्श समाज सम्वाददाता श्रावण ६, २०८१
    पोखरा । गुरुपूर्णिमा पर्व आइतबार (आज) मनाइँदैछ । असार शुक्ल पूर्णिमाका दिन शास्त्रसम्मत मन्त्र दान गर्ने गुरु, शिक्षा, कला, साहित्य,…
  • ‘मनसुन फोटो वाक’ मा पत्रकार

    आदर्श समाज सम्वाददाता श्रावण ५, २०८१
    पोखरा । नेपाल फोटो पत्रकार संघ कास्कीले मनसुन फोटो वाक–२०२४ गरेको छ । शनिबार पोखरा १६, अमला बिसौनीदेखि फोटो खिच्दै…
  • पहिरोपीडितलाई युनाइटेडको सहयोग

    आदर्श समाज सम्वाददाता श्रावण ५, २०८१
    पोखरा । युनाइटेड क्लब पोखराले पहिरोमा परी ज्यान गुमाएका परिवारलाई आर्थिक सहयोग गरेको छ । पोखरा ३२ चैनपुर, पोखरा २७…
  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…

hero news full width