लमजुङ, २३ बैशाख। लमजुङमा महिलामा पाठेघर सम्बन्धी समस्या तथा पाठेघर खस्ने समस्या बढ्दै गएको छ। महिलाको समस्या मध्यनजर गरी निःशुल्क शिविर तथा सचेतना कार्यक्रम बैशाख २१ गते सञ्चालन गरिएको हो।
राइनास नगरपालिकाको आयोजनामा नगर भित्रका महिलालाई पाठेघरको जाँच तथा पाठेघर रोग स्क्यानिङ शिविर सञ्चालन गरेको हो। नगरपालिकाका महिलाका लागि पाठेघरको मुखको क्यान्सर जाँच, पाठेघरको रोग स्क्यानिङ तथा पाठेघर खस्नेको लागि रिङ प्रेसरी शिविर राखिएको थियो। राइनास नगरपालिका– ९ मोहोरियाकोट स्वास्थ्य चौकीमा शिविर सञ्चालन गरिएको नगरपालिका स्वास्थ्य शाखा प्रमुख मित्रु गिरीले बताए। उनका अनुसार शिविरमा ८० जना महिलाले पाठेघर जाँच गरेका थिए। तीमध्ये पाठेघर खसेका ११ जनाको रिङ प्रेसरी राखिएको छ। अन्यको पाठेघरको रोग स्क्यानिङ गरिएको छ। २ जनाको सल्यक्रिया गर्नुपर्ने भएकाले भरतपुर रिफर गरिएको गिरीले बताए।
उक्त नगरपालिकाका मेयर सिंहबहादुर थापाले शिविरको उदघाटन गर्दै स्थानीय तहले महिलाको स्वास्थ्य समस्याको समाधानका लागि चेकजाँच, शल्यक्रियामा सहयोग गर्दै आएको बताउनु भयो। महिलामा पाठेघर सम्बन्धी समस्या धेरै रहेको जानकारी आएकाले महिलाका लागि शिविर सञ्चालन गरिएको थापाले बताए। उनले भने– ‘विभिन्न खाले स्वास्थ्य समस्या हुन्छ। यहाँका महिलालाई पाठेघरको समस्या बढी भएको पाइयो। हामीले सीएमसी भरतपुरका चिकित्सक ल्याएर शिविर चलाएयौं। ’
हरेक बर्ष महिलाको समस्यालाई ख्याल गरी शिविर सञ्चालन गर्दै आएको नगरपालिकाले जनाएको छ। नगरपालिका स्वास्थ्य शाखाद्वारा सञ्चालित शिविरमा पाठेघर सम्बन्धी समस्या भएका महिलाले जाँच गराएको वडाध्यक्ष देवबहादुर थापाले बताए। उनका अनुसार केही बर्षअघिसम्म स्वास्थ्य जाँचमा लजाउने, शिविरमा नआउने महिला अहिले आउन थालेका छन्।
नगरपालिका र वडाले स्वास्थ्य सम्बन्धी सचेतनाका कार्यक्रम सञ्चालन गरेपछि महिलामा चेतना बढेको उनले बताए। ‘शिविर भनेपछि डराउने, टाढै बस्ने चलन थियो’ थापाले भने, ‘अहिले कहिले शिविर आउने हो भनेर सोध्न थाल्छन्। सबै महिला आफ्नो स्वास्थ्यप्रति सचेत हुन थालेका छन्। जाँच गर्ने र औषधी उपचारतर्फ लाग्ने गरेका छन्। ’
Related News
सम्बन्धित समाचार
पोखराको सहिदचोकमा पेट्रोल पम्प निर्माणमा अन्तरिम आदेश
निषेधित क्षेत्र तोडेर रास्वपाको प्रदर्शन
लामिछाने पक्राउविरुद्ध प्रदर्शन, आइतबार अदालत उपस्थित गराइने
पूर्व क्षेत्रीय शिक्षा निर्देशक बास्तोलाको निधन
धौलागिरिमा ज्यान गुमाएका आरोहीको शव इटली आधार शिविर झारियो
hero news full width
मुख्य समाचार
नेसपाले नाम फेर्ने, महाधिवेशन माघमा
विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१