पोखरा, २२ वैशाख । बाबा फाउण्डेशन नेपालले यस वर्ष सामुदायिक विद्यालयका करीब पाँच सय जना गरीब तथा जेहेन्दार विद्यार्थीलाई शैक्षिक सामग्री वितरण गर्ने भएको छ ।
‘वातावरणमैत्री र बालमैत्रीका लागि बाबा फाउण्डेशनको अभियान’ भन्ने नाराका साथ यस शैक्षिक वर्षको शुरुमा नै गण्डकी प्रदेशअन्तर्गत पोखरा महानगरपालिकासहित कास्की र अन्य जिल्लामा उक्त सहयोग वितरण गर्न लागिएको हो ।
फाउण्डेशनले पोखरा– ३३ वटै वडामा सम्बन्धित वडा कार्यालयको सिफारिशमा १०/१० जना विद्यार्थीलाई शैक्षिक सामग्री वितरण गर्न लागेको फाउण्डेशनका अध्यक्ष दिलीपराज श्रेष्ठले जानकारी दिए ।
बालबालिका र वातावरणका क्षेत्रमा काम गर्ने उद्देश्यका साथ २०६५ सालमा स्थापित संस्थाबाट हालसम्म एक हजार १०० जना बालबालिका लाभान्वित भइसकेको फाउण्डेशनका सचिव टङ्कराज अधिकारीले जानकारी दिए । न्यूनतम आवश्यकताको अभावमा विद्यालयको पहुँचमा पुग्न नसक्ने विद्यार्थीलाई कापी, कलम, झोला, विद्यालय पोशाक आदिमा फाउण्डेशनले सहयोग पुर्याउँदै आएको उनले बताए ।
यसैबीच फाउण्डेशनले आइतवार पोखरा –२ स्थित बिन्ध्यवासिनी मावि, वडा नं ५ स्थित धर्मस्थली आधारभूत विद्यालय र बाराही मावि एवं वडा नं १६ का विभिन्न विद्यालयमा शैक्षिक सामग्री वितरण गरेको छ ।
यसअघि पोखरा महानगरपालिका–३ स्थित कन्या मावि, ४ स्थित नवीन मावि र ७ स्थित श्रीकृष्ण माविमा गरीब तथा जेहेन्दार विद्यार्थीलाई स्टेशनरी सामान वितरण गरिसकेको सचिव अधिकारीले जानकारी दिए । उनका अनुसार वैशाखभित्र महानगरपालिकाभित्र सम्बन्धित वडा कार्यालयको सिफारिशअनुसार सामुदायिक विद्यालयका विद्यार्थीलाई शैक्षिक सामग्री वितरण गरिनेछ ।
फाउण्डेशनले वातावरणीय संरक्षणका लागि वृक्षरोपण र फोहर व्यवस्थापनका लागि डस्टबिन वितरण गर्दै आएको छ । त्यस्तै सन् २०१९ सम्ममा पोखरा महानगरपालिकालाई बालमैत्री लक्ष्यलाई सहयोग गर्न फाउण्डेशनले महानगरपालिकाको सहयोगमा प्रत्येक वडामा बाल भेला सञ्चालनलाई अघि बढाएको छ ।
Related News
सम्बन्धित समाचार
अक्सफोर्ड स्कुलमा अभिभावक भेला
राधाकृष्ण गुरुकुल संस्कृत विद्यालयका विद्यार्थीलाई पोसाक, सल्लाहकारलाई सम्मान
एसओएस गण्डकीमा वार्षिक पुरस्कार वितरण
बालोदयमा विद्यार्थीको चुनाव
व्यावहारिक शिक्षा सिकाउँदै फेदीखोला
hero news full width
मुख्य समाचार
गण्डकीमा विपतका १० महिना : ११७ जनाको मृत्यु, १०९ घाइते
प्राथमिकता एकातिर, चिर्कटोका भरमा योजना
जेठ १३, २०८०फल इन लभ नै किन ?
जेठ १३, २०८०नेपाली युवा उद्यमी मञ्च पोखरामा निरन केसी
जेठ १३, २०८०संघीयताबारे अहिले नै सफल असफल भनेर मूल्यांकन गर्ने बेला भएको छैन: प्रथम राष्ट्रपति डा यादव
जेठ १३, २०८०रोकिएला त फेवाको सिमसार क्षेत्र पुर्ने काम ?
जेठ १३, २०८०