मृगौलापीडित पुनलाई आर्थिक सहयोग

एजेन्सी
वैशाख १९, २०७६
help (1)_Fotor

पोखरा, १८ वैशाख। दुवै मृगौलामा समस्या आई उपचार गरिरहेकी पोखरा–३३ स्थित सरस्वती टीका मावि कक्षा ७ की छात्रा कल्पना पुनलाई विद्यालयतर्फबाट आर्थिक सहयोग गरिएको छ।

विद्यालयका शिक्षक तथा विद्यार्थीको सहयोगमा संकलित २८ हजार रुपैयाँ सहयोग रकम विद्यालयका प्रधानाध्यापक नन्दलाल काफ्ले र सहायक प्रधानाध्यापक श्रीधर आचार्यले पुन उपचारत गण्डकी अस्पतालमा नै पुगी उनका बुबा वीरबहादुरलाई हस्तान्तरण गरेका हुन्।

बाह्र वर्षकै कलिलो उमेरमा कल्पनाका दुवै मृगौलामा समस्या आएपछि यतिखेर उनका बाबु वीरबहादुर यतिखेर ठूलो चिन्तामा छन्। कल्पनाको पोखरास्थित गण्डकी हस्पिटलको मेडिकलमा उपचार भइरहेको छ।

म्याग्दीको मालिका गाउँपालिका–१ निस्कोट स्थायी बसेवास भई हाल पोखरा महानगरपालिका–३३ भरतपोखरीको तिक्लाङ बसी दैनिक मजदुरीबाट जीवनयापन गर्दै आएका वीरबहादुर र उनकी श्रीमती सीतालाई यतिखेर छोरीको उपचार कसरी गर्ने हो भन्ने चिन्ताले सताइरहेको छ।

“छोरीको उपचारमा अहिलेसम्म १० लाख रुपैयाँ जति खर्च लागिसक्यो, यही पनि ऋण धन तथा आफन्तको सहयोगबाट गरेका हौं, ” उनले भने, “खै डाक्टरले सम्पूर्ण उपचार गर्न अझै २५ लाख रुपैयाँ बढी लाग्ने भनेका छन्, उपचार खर्च कसरी जुटाउने हो हामी निकै अन्यौलमा छौं। ”

डाक्टरले आफन्तबाट नै मृगौला प्रत्यारोपण गर्न पाएमा भने केही खर्च कम लाग्ने भनेको उनले सुनाए।

सहयोग पाए छोरीलाई बचाउन सकिने आशा रहेको बताउँदै वीरबहादुरले सहयोग दातालाई आफ्नो मोवाइल नं ९८२५१४२१२० मा सम्पर्क गरेर वा मुक्तिनाथ विकास बैंकको ००५२१६००३६५१९००००००१ नं खातामा सहयोग गरिदिन अनुरोध गरेका छन्।

उनका दुई दिदी र एक भाइ सोही विद्यालयमा नै पढ्छन्।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width