नागढुंगा–पृथ्वीचोकमा ४४ चौतारी

आदर्श समाज सम्वाददाता
वैशाख १८, २०७६
plantation_Fotor

चौतारी निर्माण शिलान्यास गर्दै वडाध्यक्ष रुद्रनाथ बराल लगायत। तस्वीर : विजय नेपाल/आदर्श समाज

पोखरा, १६ वैशाख। पोखरा–८, नागढुंगादेखि पृथ्वीचोक सडक छेउमा हुर्किएका वृक्ष संरक्षण तथा सौन्दर्यकरणका लागि ४४ वटा चौतारी निर्माण हुने भएको छ।

वडाध्यक्ष रुद्रनाथ बरालले सोमबार चौतारी निर्माण शिलान्यास गर्दै पोखरालाई हरित सहर बनाउन बृक्षरोपणको खाँचो औल्याए। उनले बृक्षरोपण गरेरमात्रै नहुने, हुर्किएकाको उचित संरक्षण गरिनुपनेर्मा जोड दिए। उनले पृथ्वीचोकदेखि जिरो किमीसम्म ५५ वटा चौतारी निर्माण गरिने पनि जानकारी दिए। पोखरा महानगरपालिकाका इ. सुरेन्द्र पौडेलले पोखरा कंक्रिट जंगल बन्दै गएकोमा चिन्ता व्यक्त गर्दै यसबाट जोगिन बृक्षरोपण महत्वपूर्ण भएको उल्लेख गरे।

वडा सदस्य एवं चौतारी निर्माण अनुगमन समिति संयोजक पुष्पराज सिग्देलले पर्यटकको चाप हुने सडक भएकोले पनि सो क्षेत्रमा सौन्दर्यकरण जरुरी भएको बताए।

नागढुंगा चौतारी निर्माण उपभोक्ता समिति अध्यक्ष विनोद लामिछानेले झण्डै सात सय मिटर क्षेत्रफलमा ४४ वटा चौतारी निर्माण गरिने जानकारी दिए। समितिले अघि सारेको कार्यमा आर्थिक सहयोग उपलब्ध गराएकोमा महानगर तथा वडाप्रति आभार व्यक्त गरे। नागढुंगा युवा क्लब अध्यक्ष समेत रहेका पत्रकार लामिछानेले वडाको अन्य विकास कार्यमा सहकार्य गर्दै जाने बताए।

एयरपोर्ट टोल विकास संस्था अध्यक्ष सावित्री घिमिरेले हालको टी–गार्ड संरक्षण गर्नुपनेर्मा जोड दिँदै चौतारी निर्माणमा हातेमालो गर्ने बताइन्।

Related News

सम्बन्धित समाचार

  • कृष्ण भुजेललाई सहिद घोषणा गर्न माग

    आदर्श समाज सम्वाददाता जेठ ९, २०७९
    पोखरा । संसदीय चुनाव २०५४ का क्रममा साविक कालिका गाविसमा अमानवीय तरिकाले हत्या गरिएका कृष्ण भुजेललाई सहिद घोषणा गर्न माग…
  • सोंपाल समाजको ९ लाख सहयोग

    आदर्श समाज सम्वाददाता जेठ ९, २०७९
    पोखरा । बेलायतमा च्यारिटी कमिसनमा रजिस्टर भएको संस्था साेंपाल समाज युकेले आँधीखोला गाउँपालिका १ बेझाङको आधारभूत विद्यालयलाई सहयोग गरेको छ…
  • चलचित्र पत्रकार संघको वार्षिकोत्सवमा क्यालेन्डर विमोचन

    आदर्श समाज सम्वाददाता जेठ ८, २०७९
    पोखरा । चलचित्र पत्रकार संघको २३ औं वार्षिकोत्सव तथा राष्ट्रिय चलचित्र पत्रकारिता दिवस–२०७९ अवसरमा चलचित्र पत्रकार संघ कास्कीले शनिबार शुभकामना…
  • ५ रुपैयाँ प्रति किलो काक्रो

    आदर्श समाज सम्वाददाता जेठ ८, २०७९
    हेमजा । हेमजाको सुइँखेतमा यतिबेला काँक्रोको उत्पादन अत्यधिक छ । तर काँक्रोले उचित मूल्य नपाउँदा किसान मर्कामा परेका छन् ।…
  • पोखरा महानगरको प्रमुखमा गठबन्धन र उपप्रमुखमा एमालेको अग्रता

    रासस जेठ ८, २०७९
    गण्डकी । स्थानीय तह सदस्य निर्वाचन–२०७९ अन्तर्गत जारी मतगणनामा पोखरा महानगरपालिकाको प्रमुखमा सत्ता गठबन्धन र उपप्रमुखमा नेकपा ९एमाले०का उम्मेदवारले अग्रता…

hero news full width