उद्योगपति सुनारको सम्मान

एजेन्सी
वैशाख १५, २०७६
sunar_Fotor

पोखरा, १४ वैशाख। विश्वकर्मा सेवा समाज कास्कीले उद्योगपति बाबुराम सुनारलाई सम्मान गरेको छ। पोखरामा शनिबार आयोजित नयाँ वर्षको शुभकामना आदानप्रदान एवं क्यालेन्डर विमोचन कार्यक्रममा उनलाई सम्मान गरेको हो।

पोखरा–२८ का अध्यक्ष निर्मल दीयाली र समाजका अध्यक्ष भविन्द्र विश्वकर्माले उनले दोसल्ला ओढाउँदै सम्मानपत्र प्रदान गरे।

सुनचाँदी व्यवसायी संघ तनहुँका पूर्व अध्यक्ष सम्मानित सुनार ढोरबाराही ज्वेलर्स, ढोरबाराही क्रसर उद्योगका सञ्चालक एवं भीमाद नगर कार्यपालिका सदस्य हुन्। उनी विभिन्न सामाजिक संघसंस्थामा आवद्ध छन्।

सम्मानपछि उनले शिक्षा र उद्यमशीलताबाट मात्रै समृद्ध जीवनको कल्पना गर्न सकिने बताए। उनले दलित समुदायबीचको एकताले मात्रै जातीय विभेद अन्त्य हुने धारणा राखे। पोखरा घारीपाटनमा बन्ने विश्वकर्मा सेवा समाजको बहुउद्देश्यीय भवनलाई आफूले सक्दो सहयोग गर्ने प्रतिबद्धतासमेत व्यक्त गरे।

वडाध्यक्ष निर्मल दीयालीले सुनारको व्यक्तित्वको चर्चा गरे। उनले समाज भवन बनाउन सबैको साथ आवश्यक रहेको उल्लेख गरे।

समाजका अध्यक्ष भविन्द्र सुनारले छिट्टै भवन शिलान्यास गरिने जानकारी दिए। उनले भवन बनिसकेपछि बहुउपयोगी हुने भएकोले सबैलाई सहयोग गर्न आग्रह गरे।

विश्वकर्मा समाजका अध्यक्ष गणेश बराइलीले विश्वकर्मा जातिभित्रै एकता आवश्यक रहेको जनाए।

दलित मुक्ति मोर्चाका प्रदेश अध्यक्ष भीमबहादुर विक ‘क्षितिज’ ले स्वस्थ प्रतिस्पर्धाले मात्रै खुसी प्रदान गर्ने बताए।

पोखरा चेम्बर अफ कमर्सका अध्यक्ष किसान सुनारले सुनचाँदी व्यवसायीलाई संस्थामा आवद्ध हुन आह्वान गरे।

समाजका उपाध्यक्ष एवं भवन निर्माण अर्थ समिति संयोजक दशरथ सुनारले कास्कीका समाजमध्ये नमुना समाज घर विश्वकर्मा सेवा समाजले बनाउने उद्घोष गरे।

क्यालेन्डर प्रकाशन समिति संयोजक रविन विश्वकर्माले क्यालेन्डरबाट बचत रकम भवन निर्माणमा खर्चिने सुनाए।

समाजका सचिव तारा गौतमले कार्यक्रम सञ्चालन गरेका थिए।

Related News

सम्बन्धित समाचार

    • पोखराको मेयरमा एकीकृत समाजवादीको अग्रता

      विजय नेपाल जेठ १, २०७९
      पोखरा, १ जेठ । पोखरा महानगरपालिकाको मेयरमा सत्ता गठबन्धनका उम्मेदवारले अग्रता लिंदा उपमेयरमा एमालेले अग्रता कायम राखेको छ । आइतबार…
    • अम्बिका भागवत् फाउन्डेसनको सहयोग

      आदर्श समाज सम्वाददाता वैशाख २६, २०७९
      पोखरा । अम्बिका भागवत् फाउन्डेसन पोखराको आयोजनामा पोखरा–३१, आनन्दज्योति माविमा विद्यार्थीलाई स्कुल ड्रेस र शैक्षिक सामग्री वितरण गरिएको छ ।…
    • गठबन्धनले सबैभन्दा फाइदा कांग्रेसलाईः देउवा

      प्रकाश ढकाल वैशाख २६, २०७९
      पोखरा । नेपाली कांग्रेसका सभापति शेरबहादुर देउवाले गठबन्धन बनेपछि कांग्रेसलाई देशैभरि फाइदा भएको बताएका छन् । देशभर सरकार गठन गठबन्धनका…
    • डिप्लोमा इन्जिनियर्समा अनिल

      आदर्श समाज सम्वाददाता वैशाख २४, २०७९
      पोखरा । डिप्लोमा इन्जिनियर्स एसोसिएसन नेपाल (डिन), कास्कीले शुक्रबार ११ औं जिल्ला अधिवेशन सम्पन्न भएको छ । अधिवेशनले अनिलप्रसाद आचार्यको…
    • ‘महानगरका पाँच वर्ष’ विमोचन

      आदर्श समाज सम्वाददाता वैशाख २३, २०७९
      पोखरा । पोखरा महानगर बनेपछि जनप्रतिनिधिले जिम्मेवारी सम्हालेको ५ वर्ष पुग्नै लागेको छ । यस अवधिमा महानगरले गरेका नीतिगत निर्णय,…

    hero news full width