लेखनाथ, ११ वैशाख। राइजिङ स्टार युथ क्लब, पोखरा–२७, रिठेपानीले विकृति–विसंगति नियन्त्रणअन्तर्गत गाँजा फडानी अभियान तीव्र पारेको छ।

कहिले चोक, कहिले वस्ती, कहिले सार्वजनिक स्थल त कहिले अस्पताल परिसरसम्म पुगेर सरसफाइबारे जनचेतना फैलाउँदै आएको क्लबले बुधवार रिठेपानी क्षेत्रको कुमाल गाउँमा रहेको गाँजा फडानी गरेको हो।

क्लबका पदाधिकारी, स्थानीय आमा समूह र स्थानीयको उल्लेख्य सहभागिता रहेको टोलीले सो क्षेत्रमा भएको गाँजा फडानी गरी लागु औषध नियन्त्रणको अभियान अगाडि बढाएको क्लबका अध्यक्ष विष्णु गुरुङले जानकारी दिए।