पोखरा, १० वैशाख। पोखरा–२० मा सक्रिय रहेको सृजनशील आमा समूहको आयोजनामा नया वर्ष २०७६ अवसर पारेर शुभकामना आदानप्रदान कार्यक्रम तथा स्थानीय महिलाहरुबीच अन्तक्रिया कार्यक्रम सम्पन्न भयो।

कार्यक्रम उद्घाटन गर्दै गण्डकी प्रदेश सभाका उपसभामुख सृजना शर्माले महिलाहरु आर्थिक रुपमा स्थापित भई विकासमा समेत सक्रिय हुँदा सुखी नेपाली, समृद्ध नेपालको अभियान साकार हुने बताइन्।

प्रदेश सभा सदस्य प्रभा कोइरालाले महिलाहरुको विकासका लागि प्रदेश सरकार बलियो तवरले अघि बढेको दाबी गरिन्।

कार्यक्रममा समाजसेवी गंगा केसीले वडामा रहेका समस्याका बारे जानकारी दिइन्।

सो अवसरमा रामबहादुर हमाल, कृष्णबहादुर कार्की, रेशम खत्री, प्रकाश शर्मा लगायतले बोलेका थिए। राधा बस्नेतको अध्यक्षतामा भएको कार्यक्रममा स्वागत मन्तव्य मनबुझा विकले गरेकी थिइन्।