पुण्य कमाउने नाममा बाल विवाह

रासस
वैशाख ९, २०७६
6caeb950-0477-4d29-a543-56097d7aa05achildmarriage
  •  सुदूरपश्चिम प्रदेशका पहाडी जिल्लामा बाल विवाह गर्ने प्रचलन अझै पनि कायमै ।
  •  जिल्ला डडेल्धुरा, अछाम, बझाङ, बाजुरा, दार्चुला तथा डोटीमा प्रायजसो ब्राह्मण, क्षत्री तथा दलित समुदायमा उमेर नपुग्दै छोरीको विवाह ।
  •  बाल विवाह रोक्ने अधिकार पाएको स्थानीय प्रशासन मौन ।
  • सुदूरपश्चिम प्रदेशमा कम्तीमा पनि ७० प्रतिशत बाल विवाह हुने गरेकोे छ । 

डोटी, ९ वैशाख । विवाहका लागि कानूनी उमेर १८ वर्ष भएता पनि सुदूरपश्चिम प्रदेशका पहाडी जिल्लामा बाल विवाह गर्ने प्रचलन अझै पनि कायमै छ ।

महीनावारी हुनु भन्दा अगावै छोरीको विवाह गरे पुण्य अर्थात धर्म कमाइने भन्ने धार्मिक अन्धविश्वासले बाल विवाहको प्रचलन कायमै रहेको हो । दिपायलका स्थानीय उत्तम द्वारीयाले भने “धर्म कमाउने नाममा बालविवाह हुँदैछ, बाल विवाहको अन्त हुनु जरुरी छ ।” यहाँका पहाडी जिल्ला डडेल्धुरा, अछाम, बझाङ, बाजुरा, दार्चुला तथा डोटीमा प्रायजसो ब्राह्मण, क्षत्री तथा दलित समुदायमा उमेर नपुग्दै छोरीको विवाह गरिदिने प्रचलन कायमै छ ।

जिल्ला सदरमुकाममा बाल विवाहका जोडी डोली र घोडा चढेर जाँदै गर्दासमेत उनीहरुलाई कसैले पनि रोक्न नसक्दा बाल विवाह कायमै रहेको स्थानीयवासी मानबहादुर धामीले बताए । उनले भने “बाल विवाहको अन्त्यका लागी खुलेका सङ्घ संस्था तथा बाल विवाह रोक्ने अधिकार पाएको स्थानीय प्रशासन त मौन छ अरुलाई के चासो ।”

कानूनमा विवाहका लागि अभिभावकको मञ्जुरीमा भए केटा र केटीको उमेर १८ वर्ष र आफुखुशी अर्थात कानुनी विवाह गर्ने हो भने २० वर्ष पुगेको हुनुपर्ने प्रावधान रहेको डोटीका प्रमुख जिल्ला अधिकारी यादव सुवेदीले बताए । कानूनले बाल विवाह गराउनेमा संलग्न सबैलाई कानूनी सजाय तोकेको भए पनि सुदूरपश्चिममा हालसम्म कसैलाई पनि यस्तो सजाय गरिएको छैन ।

बाल विवाह नियन्त्रणका लागि विभिन्न सरकारी तथा गैरसरकारी सङ्घ, संस्था क्रियाशील भए पनि बढ्दो बाल विवाह भने नियन्त्रण गर्न सकेका छैनन् । स्थानीयवासीका अनुसार सुदूरपश्चिम प्रदेशमा कम्तीमा पनि ७० प्रतिशत बाल विवाह हुने गरेकोे छ । बाल विवाह नियन्त्रण गर्न जिल्लामा रहेका सरोकारवाला सङ्घ संस्थाले खासै चासो नदेखाएको र यहाँका जिल्लावासीमा जनचेतनाको कमीका कारण बाल विवाह दिन प्रतिदिन बढ्दै जान थालेको दिपायलका स्थानीयवासी मेखराज भट्टले बताए ।

सानै उमेरमा विवाह गरिँदा सुदूरपश्चिम प्रदेशका अधिकांश चेलीले बच्चा पाउँदा अकालमै ज्यान गुमाउने गरेको थाहा पाउँदा पाउँदै पनि यहाँको बाल विवाह रोक्न नसकिएको दिपायल पिपल्लाकी स्थानीय महिलाकर्मी तुलसी शाहीले बताइन् “उमेर नै नपुगी छोरीको बिहे गरेपछि समस्या हुन्छ भन्ने बुझेर पनि पुण्य कमाउने नाममा बिहे गर्न थालेका छन सम्झाउँदा मान्दैनन कानूनी निकायले नै केही कदम चाल्नुपर्ने भयो ।” उनले भनिन् ।

Related News

सम्बन्धित समाचार

    • पोखरा महानगरमा मतान्तर बढाउँदै धनराज

      रासस जेठ ५, २०७९
      कास्की । स्थानीय तह निर्वाचन–२०७९ अन्तर्गत पोखरा महानगरपालिकाको मतगणना वैशाख ३१ गतेदेखि जारी छ । पोखरा–७ सहिदचोकस्थित उपत्यका नगर विकास…
    • एमालेलाई जीत जोगाउनै सकस

      धनबहादुर गुरुङ जेठ ५, २०७९
      पोखरा । पोखरा महानगरको अघिल्लो चुनावमा दुइतिहाइ वडा जितेको नेकपा एमालेलाई यसपालि विगतको विरासत जोगाउनै मुस्किल परेको छ । यसपालिको…
    • जहाँ पुरानो जीत दोहोरिएन…

      आदर्श समाज सम्वाददाता जेठ ३, २०७९
      पोखरा । पहिले जितेका पालिकामा अधिकांश कांग्रेसलाई नोक्सान भएको छ । केही पालिकाहरुमा सत्ता गठबन्धनबीचको प्रतिस्पर्धाका कारण एमालेले नाफा कमाएको…
    • तनहुँमा एमाले ७, कांग्रेस ५, माओवादी २ वडामा निर्वाचित

      रासस जेठ १, २०७९
      तनहुँ । तनहुँमा नेकपा एमाले ७, नेपाली कांग्रेस ५ र नेकपा माओवादी केन्द्र दुई वडामा विजयी भएको छ । एमालेबाट…
    • पोखराको मेयरमा एकीकृत समाजवादीको अग्रता

      विजय नेपाल जेठ १, २०७९
      पोखरा, १ जेठ । पोखरा महानगरपालिकाको मेयरमा सत्ता गठबन्धनका उम्मेदवारले अग्रता लिंदा उपमेयरमा एमालेले अग्रता कायम राखेको छ । आइतबार…

    hero news full width