आफ्नै भवनबाट पद्म नर्सिङ्ग होमको सेवा सुरु

आदर्श समाज सम्वाददाता
वैशाख ८, २०७६
padma nursing photo

पोखरा, ८ बैशाख । पद्म नर्सिङ्ग होम प्रा. लि. ले पोखराको नदीपुरमा रहेको आफ्नै भवनबाट सेवा सुरु गरेको छ ।

हाल सम्म पोखराको न्यूरोडमा भाडाको घरमा सचालनमा रहेको नर्सिङ्ग होमले आईतबारबाट पोखरा महानगरपालिका वडा नम्वर ३ नदिपुरमा रहेको आफ्नै भवनबाट नियमित सेवाहरु सुरु गरेको हो ।

पद्म नर्सिङ्ग होम प्रा. लि. का संस्थापक अध्यक्ष एवं बरिष्ठ चिकित्सक डाक्टर कुमार शम्सेर राणाले बिरामीको जाँच गरेर नदिपुरबाट नियमित सेवाको सुरुवात गरेका छन्् । पोखराको न्युरोडमा रहेको पद्म नर्सिङ होम विगत एक दशकदेखि बन्द रहको बुद्ध अस्पतालसंग दुई वर्ष पहिले मर्ज भएपछि नर्सिङ होमले आफ्नो स्वामित्वमा आएको साबिकको बुद्ध अस्पतालकै भवनबाट सेवाहरु सुरु गरेको हो । आफ्नै भवनबाट नियमित सेवाहरु सुरु गरेको पद्म नर्सिङ्ग होमले नेपाल सरकारबाट ५० शैयाको स्वकृति लिएर सेवा संचालन गरिरहेको छ ।

नर्सिङ्ग होमका प्रबन्ध निर्देशक डाक्टर यज्ञमान शाक्यले अनुसार तत्काललाई बिशेषज्ञ सहितको नियमित ओपिडि सेवा, प्याथोलोजी (ल्याब), एक्सरे, भिडियो एक्सरे, इसिजी, इन्डोस्कोपी, इको, फार्मेसी लगायतका सेवाहरु सुरु गरिएको छ । नर्सिङ्ग होमका छिट्टै अरु सेवाहरु पनि थप गर्दै लगिने वताइएको छ ।

हस्पिटलमा बालरोग, हाडजोर्नी तथा नसा, मुटुरोग, फिजिसियन, स्त्री तथा प्रसुती रोग, जनरल सर्जन, रेडियोलोजिस्ट, नाक कान घांटी रोग , नेत्ररोग , नशा तथा मनरोग , छाला तथा यौनरोग, न्युरो , क्यान्सर लगायतका बिशेषज्ञ सेवाका नियमित ओपिडि सेवाहरु सुरु भएका छन् ।

अस्पतालले सुबिधा सम्पन्न आइसियु, एनआइसियु, पिआइसियु, अप्रेसन कक्ष, एमआरआइ, सिटिस्क्यान लगाएतका सेवा क्रमश सन्चालन गर्दै जाने लक्ष्य रहेको बतायउको छ ।

पद्य नसिङ्ग होम प्रालिले नदीपुरमा रहेको आफ्नै भवनबाट सेवाहरु सुरु गरेको अवसर पारेर यहि बैशाख १८ गते बुधबार मजदुर दिवसको दिन एक दिने निःशुल्क स्वास्थ्य सेवा सचालन गर्ने भएको छ । पनि जनाएको छ । नर्सिङ होममा हाल ३० जना चिकित्सक सहित करिब १ सय जना कर्मचारीहरु कार्यरत रहेका छन् ।

Related News

सम्बन्धित समाचार

hero news full width