पोखरा, ७ वैशाख। लायन्स क्लब अफ पोखरा आदर्श चौतारीले स्याङ्जाको चापाकोट नगरपालिका–४ मा स्वास्थ्य शिविर गरेको छ। शिविरबाट ६ सय जना लाभान्वित भएका छन्।

शिविरमा स्वास्थ्य परीक्षणपछि करिब पाँच लाख बराबरको औषधि वितरण गरिएको थियो। शिविरलाई नमस्ते हस्पिटल प्रालिले बिरौटाले प्राविधिक सहयोग गरेको थियो।

चापाकोट–४ का वडाध्यक्ष विक्रम सारुले शिविर उद्घाटन गरेका थिए। कार्यक्रममा एमजेएफ कमलबहादुर बस्नेत, खड्गकाली माध्यमिक विद्यालयका प्रधानाध्यापक लेसबहादुर खाँड लगायत बोलेका थिए।

लायन्स पोखरा आदर्श चौतारीका अध्यक्ष चन्द्रेश्वर बस्ताकोटीको अध्यक्षतामा भएको कार्यक्रममा संयोजक रुकबहादुर गुरुङले स्वागत र सचिव बसन्त कोइरालाले संचालन गरेका थिए।