पोखरा, ५ वैशाख। युनाईटेड क्लबले आफ्नो नवौ वार्षिकोत्सव अवसरमा कुँडहर आधारभूत विद्यालयमा अध्ययनरत विद्यार्थीलाई खेलकुद पोशाक वितरण गरेको छ।

क्लबले आफ्नो सप्ताहव्यापी कार्यक्रमअन्तर्गत विद्यालयका ३० जना विद्यार्थीलाई खेलकुद पोशाक वितरण गरेको हो।

कार्यक्रममा कुँडहर आधारभूत विद्यालय व्यवस्थापन समिति अध्यक्ष मैनाकुमारी गुरुङले सामाजिक काम मार्फत पोखरामा छुट्टै स्थान हासिल गर्न सफल क्लबले पोखरा महोत्सवको आयोजना गरी सामाजिक कामहरु गर्दै आइरहेको सन्दर्भमा विद्यार्थीलाई पोशाक वितरण गरेकोमा धन्यवाद दिइन्।

विद्यालय पोशाक वितरण कार्यक्रमका संयोजक तथा युनाईटेड क्लबका प्रथम उपाध्यक्ष राजु श्रेष्ठले क्लबले स्थापनाकालदेखि नै पोखरा महोत्सवको आयोजना गरी शिक्षा, स्वास्थ्य, खेलकुद, पर्यटन प्रवद्र्धन र सेती नदी संरक्षणमा काम गर्दै आइरहेको जानकारी दिए।

क्लबका अध्यक्ष लालकाजी गुरुङले क्लबले आगामी दिनहरुमा पनि सबैसँग सहकार्य गरेरै अगाडि बढ्ने बताए। उक्त कार्यक्रमको सञ्चालक क्लब महासचिव शान्तबहादुर थापाले गरेका थिए।