दीगो विकासमा पानीको महत्व

आदर्श समाज सम्वाददाता
वैशाख ५, २०७६
pu

पोखरा, ५ बैशाख । जापानको युनाइटेड नेसन्स् युनिभर्सिटीले पोखरा युनिभिर्सिटी (पोवि) स्कुल अफ इञ्जिनियरिङको सहकार्यमा कास्कीमा पानीको अवस्थाबारे अध्ययन थालिएको छ ।

युनाइटेड नेसन्स् युनिभर्सिटीले विश्वका दुई राष्ट्रमध्ये इण्डोनेसियाको बाली र नेपालको कास्कीमा सन् २०१८ देखि ४ वर्षे अवधि समयसीमा तोकेको छ । कास्कीमा भने अबको १ वर्षसम्म यहाँको पोखरा महानगरपालिका, चार गाउँपालिका अन्नपूर्ण, माछापुच्छे«, मादी र रुपा भित्र जलश्रोतको मुहान, पानीको अवस्था, उपयोगिता लगायत विभिन्न क्षेत्रसँग सम्बन्धित रहेर अध्ययन केन्द्रित गर्ने जापानी विश्वविद्यालयका अनुसन्धानकर्ता डा.सरोज चापागाईंले जानकारी दिए ।

यसैक्रममा पोखरामा विहीवार सरोकारवाला निकायबीच पानीको दीगो विकासका लागि प्रारम्भिक छलफल कार्यक्रम सम्पन्न भयो ।

प्रमुख अतिथि गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले तालैतालको जिल्ला कास्कीमा पानीबाटै समृद्धि हासिल गर्न सकिने बताए । उनले सो अध्ययनपछि आउने रिपोर्टबारे पुनः विस्तृत जानकारी गराउन आग्रह गर्दै यसले नीति निर्माणमा सघाउ पुग्ने बताए ।

पोखरा महानगरपालिकाका प्रमुख मानबहादुर जिसीले पानीको श्रोत संरक्षण गर्दै विज्ञान प्रविधिका पछिल्लो आविष्कार आत्मसात गर्दै अघि बढ्नुपर्ने बताए ।

कार्यक्रममा जापानीज विश्वविद्यालयका डा. सरोज चापागाईं, डा. गीता मोहन, नास्टका प्राज्ञ डा. मदनलाल श्रेष्ठले पानीसँग केन्द्रित रहेर विभिन्न उदाहरण पस्किँदै पानीको महत्व र दीगो विकासमा पानीले पार्ने प्रभावबारे प्रष्ट्याए । इसिमोडका डा. मन्दिरा श्रेष्ठले सहजीकरण गर्दै पानीको प्रयोग क्षेत्रबारे धारणा लिइन् ।

कार्यक्रममा पोविका विज्ञान तथा प्रविधि संकायका डीन इञ्जिनियर बुद्धिराज जोशी, जापानीज विश्वविद्यालयका प्राध्यापक डा. केन्सुके फुकुसी ९म्च। प्भलकगपभ ँगपगकजष्०, अन्नपूर्ण गाउँपालिका अध्यक्ष युवराज कुँवर, माछापुच्छे« गाउँपालिका अध्यक्ष कर्णबहादुर गुरुङ, मादी गाउँपालिकाका प्रमुख कार्यकारी अधिकृत युवराज अधिकारी, पर्यटन व्यवसायी गणेशबहादुर भट्टराई, सन्तोष पोखरेल, पत्रकार विजय नेपाल लगायतले स्थानीय स्तरमा जलश्रोतको अवस्था र यसको संरक्षण आवश्यकताबारे औल्याए ।

पोवि स्कुल अफ इञ्जिनियरिङका प्रा.डा. विनयकुमार मिश्रले संचालन गरेको कार्यक्रममा धन्यवाद ज्ञापन पोवि स्कुल अफ इञ्जिनियरिङका निर्देशक इञ्जिनियर अर्जुन गौतमले गरेका थिए ।

पोवि स्कुल अफ इञ्जिनियरिङतर्फबाट आयोजक कमिटी सदस्यमा प्राध्यापक विनयकुमार मिश्र, सहायक प्राध्यापक डा. राजीव पोखरेल र निर्देशक इञ्जिनियर अर्जुन गौतम छन् ।

दीगो विकासका लागि पानीको अति नै महत्व रहेको हुँदा यसको संरक्षण गर्दै नीति निर्माण प्रक्रिया कसरी अगाडि बढाउन सघाउने कार्यक्रमको उद्देश्य रहेको इञ्जिनियर गौतमले बताए ।

Related News

सम्बन्धित समाचार

  • प्रकाशकीय : हामी डगमगाएका छैनौं

    कृष्णप्रसाद बास्तोला, अध्यक्ष/प्रधान सम्पादक वैशाख १, २०८१
    आदर्श समाज राष्ट्रिय दैनिक आजबाट २९ वर्षमा प्रवेश गरेको छ । यस सुखद अवसरमा आदर्श समाज बहुमुखी प्रकाशन प्रालिका तर्फबाट…
  • गण्डकीको वर्ष ८० : प्रदेश तहमाथि प्रश्न थपिएको वर्ष

    आदर्श समाज सम्वाददाता वैशाख १, २०८१
    पोखरा । विकास खर्च कमजोर छ । प्रदेशलाई बलियो बनाउन चाहिने कानुन अझै बनिसकेका छैनन् । सेवा प्रवाह जनमैत्री हुन…
  • सम्भावनाले भरिपूर्ण गैंडाकोट

    आनन्द पोखरेल वैशाख १, २०८१
    गैंडाकोट नगरपालिका नेपालको मध्यभागमा अवस्थित साविक नवलपरासी जिल्लाबाट टुक्रिएर बनेको पूर्वतर्फको खण्ड हो । साविकको नवलपरासी जिल्लाबाट नयाँ जिल्ला बनेको…
  • धार्मिक पर्यटनको गन्तव्य गैंडाकोट

    प्रेम क्षेत्री वैशाख १, २०८१
    नेपालको मध्यभागमा पर्ने नवलुरको गैंडाकोट नगरपालिका धार्मिक हिसाबले महत्वपूर्ण छ । गैंडाकोटमा ऐतिहासिक धार्मिक क्षेत्रहरु धेरै छन् । गैंडाकोट नगरपालिकामा…
  • दुवै पक्षले जित महसुस गर्नेगरी विवाद मिलाउँछौं

    आदर्श समाज सम्वाददाता वैशाख १, २०८१
    नेपालमा न्यायसम्पादनको अधिकार ३ तहका अदालतमा रहे पनि नेपालको संविधान २०७२ र कानुनले केही न्यायिक अधिकार स्थानीय तहलाई समेत दिएको…

hero news full width

trending post

ट्रेन्डिङ्ग