पोखराका तीन स्थानमा बम भेटियो, सैनिक नायक घाइते

आदर्श समाज सम्वाददाता
वैशाख ५, २०७६
57313579_428889024323562_5499314144848904192_n

पोखरा, ५ बैशाख । पोखराको न्यूरोड स्थित बिग एफएम र पोखरा ट्ेडमलकाे दक्षिणी भागको सडक छेउमा विहीवार दिउसो बम फेला परेपछि नेपाली सेनाको प्राबिधिक टोलीले निश्क्रिय पारेको छ ।

टिनको वट्टामा टेपले बेरी तार जडानगरी राखिएको अवस्थामा बम फेला परेपछि स्थानीयले प्रहरीलाई खबर गरेका थिए । पोखराको अत्याधिक भीड लाग्ने उक्त ठाँउमा राखिएको बमले सर्वसाधारणलाई क्षति हुन नदिन सुरक्षा घेरामा राखिएको थियो । उक्त बम नेपाली सेनाको प्राबिधिक टोलीले विहीवार दिउसो नै निश्क्रिय पारेको जानकारी जिल्ला प्रहरी कार्यालय कास्कीका प्रहरी नायव उपरीक्षक रवीन्द्रमान गुरुङले जानकारी दिए । स्थानीयका अनुसार उक्त बम एक महिलाले त्यहाँ ल्याएर छाडेको बताइएको छ ।

विप्लव समूहद्वारा विहीवार विहान पोखराको नदीपुर स्थित गण्डकी प्रदेश सभा भवन नजिकै सडक छेउ र पोखरा–२९ लेखनाथको सैनिक बस्तीको सडक छेउमा राखिएको बम नेपाली सेनाको पोखरा बैदाम स्थित काली भञ्याङ गणको प्राबिधिक टोलील विहीवार विहान निश्क्रिय पारेको थियो ।

पोखराको नदीपुरमा बम निश्क्रिय पार्ने क्रममा नेपाली सेनाका नायक धर्मबहादुर थापा घाइते भएको छन् । देव्रे हातमा गम्भीर चोट लागेको थापालाई थप उपचारका लागि विहीवार नै काठमाण्डौ स्थित छाउनी अस्पताल लगिएको कास्की प्रहरीले जानकारी दिएको छ ।

विप्लव समूहको बन्दको प्रभाव पोखरामा सामान्य रुपमा परेको छ । केही मात्रामा निजी तथा सार्वजनिक सवारी साधन संचालनमा छन् भने केही मात्रामा पसलहरु समेत संचालनमा छन् ।

प्रहरी स्कटिङमा विहीवार विहान २८ वटा वस पोखरावाट काठमाण्डौका लागि छुटेको जानकारी प्रहरी प्रवक्ता गुरुङले दिए । पोखराका विभिन्न चोकमा सशस्त्र र जनपथका सुरक्षाकर्मी खटिएका छन् ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width