नदिपुरमा राखेको बम निश्क्रिय पार्ने क्रममा एक सैनिक घाइते

आदर्श समाज सम्वाददाता
वैशाख ५, २०७६
p 05

पोखरा, ५ बैशाख । विप्लव समूहद्वारा विहीवार विहान पोखराको नदिपुर स्थित गण्डकी प्रदेश सभा भवन नजिकै राखिएको बम निश्क्रिय पार्ने क्रममा एक सैनिक घाइते भएका छन् ।

नदिपुर स्थित प्रदेश सभा नजिकैको सडक छेउमा राखिएको बम निश्क्रिय पार्ने क्रममा प्राविधिक समस्या आँउदा नेपाली सेना कालीभञ्याङ गण रत्नमन्दिर पोखराका नायक धर्मबहादुर थापाको देव्रेहातको पञ्जा र औँलामा क्षेति पुगेको छ । घाइते थाापाको पोखराको फिस्टेल अस्पतालमा उपचार भइरहेको जिल्ला प्रहरी कार्यालय कास्कीका प्रहरी नायव उपरीक्षक एवं प्रवक्ता रवीन्द्रमान गुरुङले जानकररी दिए ।

विप्लव समूहले विहीवार नेपाल बन्दको आब्हान गरेको हो । विहीवार विहानै पोखराको नदिपुर स्थित गण्डकी प्रदेश सभा भवन नजिकैको सडक छेउमा र लेखनाथको सैनिक वस्तीमा दुई वटा बम फेला परेको कास्की प्रहरीले जानकारी दिएको छ ।

लेखनाथ स्थित सैनिक बस्तीको बम नेपाली सेनाको प्राबिधिक टोलीले निश्क्रिय पारेको छ भने नदीपुर स्थित प्रदेश सभा भवन नजिकैको वम निश्क्रिय पार्ने काम भइरहेको प्रहरी प्रवक्ता गुरुङले जानकारी दिए ।

ति बमहरु विप्लव समूहले राखेको आशंका गरिएको छ । उक्त समूहको बन्द प्रभाव पोखरामा सामान्य रुपमा परेको छ । केही मात्रामा निजी सवारी साधन र केही सार्वजनिक यातायातका साधन चलेको भएपनि अधिकांश संचालनमा छैनन् । प्रहरी स्कटिङमा विहीवार विहान २८ वटा वस पोखराबाट काठमाण्डौका लागि छुटेको जानकारी प्रहरी प्रवक्ता गुरुङले दिए । अप्रिय घटना नहोस् भनी पोखराका विभिन्न चोकमा सशस्त्र र जनपथका सुरक्षाकर्मी तैनाथ गरिएको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width