बुटवल ३ बैशाख । सूचना तथा प्रबिधि मन्त्री गोकुल बास्कोटाले बालुवाटारको जग्गा कीर्तेगरी आप्नो नाममा गराउनेलाई कुनै पनि हालतमा नछाड्ने बताएका छन् ।
रुपन्देहीको मणिग्राममा मंगलबार आयोजित पत्रकार भोटघाट कार्यक्रममा बोल्दै मन्त्री वास्कोटाले भने– प्रधानमन्त्री निवास बालुवाटारको जग्गा कीर्तेगरी आफ्नो नाममा बनाउने जो सुकै मुख्य दोषिलाई सरकारले कारबाही गरी छाड््छ । को को ले कीर्ते गरे छानबिन गरेर कारबाही गछौ, कीर्ते गर्ने मुख्य व्यक्तिलाई पानीमुनि गएपनि छाड्दैनौ, उनले भने –बालुवाटारको जग्गाका सम्वन्धमा आफूले नेकपा महासचिव बिष्णु पौडेल ठगिनु भयो र सरकारले क्षतिपूर्ति दिनुपर्छ भनेको छैन ।
नेपाल सरकारका प्रवक्ता समेत रहेका मन्त्री बास्कोटाले भने –पौडेलले तेश्रो पक्षबाट जग्गा लिएको रहेछ, उहंलाई सरकारले क्षतिपुर्ति दिने होइन जो संग किन्नु भएको हो उसैले हो क्षतिपुर्ति दिने , सरकारले क्षतिपुर्ति दिर्दैन र दिने पनि भनेको छैन ।’
मन्त्री वास्कोटाले तथ्यमा आधारित भएर सरकारको आलोचना गर्न सञ्चारकर्मीलाई आग्रह गरे । उनले भने ‘सरकार तथ्यमा आधारित आलोचनालाई स्वागत गर्छ, उठ्नै नसक्ने गरी ठटाए हुन्छ’ ‘सडक बनाएको नदेख्ने, धुलो उडेको मात्रै देख्ने, बच्चा जन्मेको नदेख्ने आमाको चित्कार र प्रश्रबको रगत मात्रै देख्ने आलोचना सही हुन सक्दैन ।’
देशले नवनिर्माणको बाटो पक्रिसकेको र समृद्धि सिंगो देशको बहसको विषय बनेको दाबी गर्दै मन्त्री बास्कोटाले आलोचनाका बीच पनि सरकारले नव निर्माणको लडाई जितेको जकिर गरे । चीनको ग्रेटवाल पनि एकै दिनमा नबनेको उल्लेख गर्दै उनले सरकारसंग विकास र समृद्धिको स्पष्ट भिजन र समर्पण भएकाले धैर्य गर्न आग्रह गरे ।
अहिले पनि देश निर्माण कि आलोचना भन्नेमा द्वन्द्व रहेको उल्लेख गर्दै कम्युनिस्टको सरकारप्रति धेरैमा मनोवैज्ञानिक र रेडिमेड आशंका उब्जाउन खोजिएको मन्त्री बास्कोटाले बताए ।
सरकारले स्वतन्त्र प्रेसलाई नियन्त्रण गर्न नभई सुरक्षित,व्यवसायिक,देशभक्त बनाउन चाहेको पनि बताए । अन्तर्रा्ष्ट्रिय मामिलामा समेत नेपालको प्रेस विभाजित हुनु दुर्भाग्य भएको भन्दै उनले विश्वमा कतै पनि यस्तो नहुने दाबि गरे ।
यसैविच सोमबार गौमुखी मिडिया सम्मेलनका लागि प्युठान पुगेका मन्त्री वास्कोटालाई भैरहवा विमानस्थलमा बुद्ध एयरले छाडेर गएको भन्दै आक्रोश पोखेका छन् । उनी सोमवार साझ भैरहवा विमानस्थलमा पुग्दा बुद्धको विमान उडिसकेको थियो । जसबाट आक्रोशीत भएका मन्त्री वास्कोटा रुपन्देहीमै वास बसेका थिए । यसरी मन्त्रीलाई समस्यामा पर्ने कम्पनीले जनतालाई धेरै सास्ती दिएको हुन सक्ने भन्दै त्यतातर्फ पनि कलम चलाउन उनले संचारक्रर्मीलाई आग्रह गरे ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१