सेवाग्राहीलाई निःशुल्क ‘हेल्थ डेक्स’

आदर्श समाज सम्वाददाता
वैशाख २, २०७६
Besi Napa 1_Fotor

लमजुङ, १ वैशाख। वेशीशहर नगरपालिकाले सेवाग्राहीको स्वास्थ्य अवस्था जान्न निःशुल्क स्वास्थ्य परीक्षण सेवा शुरु गरेको हो। वेशीशहर नगरपालिका स्वास्थ्य शाखाले कार्यालय परिसरमै संचालन गरेको निःशुल्क ‘हेल्थ डेक्स’ सेवाको मेयर गुमानसिंह अर्यालले उद्घाटन गरे।

उनले सामान्य परीक्षणका लागि सहज बनाउन र सेवाग्राही काम लिएर आउँदा आफ्नो स्वास्थ्य अवस्था थाहा पाउन सजिलो हुने भएकोले ‘हेल्थ डेक्स’ स्थापना गरिएको बताए।

सेवाग्राहीको ब्लडप्रेसर, सुगर, अक्सिजन लेवल, नाडीको धड्कन, तौल परीक्षणको साथै उचाइ नाप्ने व्यवस्था गरिएको नगरपालिका स्वास्थ्य शाखाका प्रमुख परमेश्वर पियाले बताए। उनका अनुसार स्वास्थ्य परीक्षणमा समस्या देखिएमा नजिकको स्वास्थ्य संस्था वा अस्पतालमा पठाइने छ।

‘हेल्थ डेक्स’ स्थापनाका लागि नगरपालिकालाई जीआइजेडले सहयोग गरेको छ। जीआइजेडका नीराजन सुवेदीले नगरपालिकाले दिने सेवा थप प्रभावकारी बनाउन ‘हेल्थ डेक्स’ स्थापनामा सहयोग गरेको बताए।

वेशीशहर नगरपालिका– ८, शेराफाँटका ६७ वर्षीय कृष्णबहादुर दीक्षितको स्वास्थ्य परीक्षण गरी सेवाको थालनी गरिएको हो। दीक्षितले भने, ‘विकास निर्माणका बारेमा कुरा गर्न आएको थिएँ। स्वास्थ्य परीक्षण गर्न पाउँदा खुसी लाग्यो। ’

आमनागरिकको स्वास्थ्यप्रति जिम्मेवार भएर नगरपालिकामा ‘हेल्थ डेक्स’ स्थापना गरिएको र यसबाट सेवाग्राहीलाई सहयोग पुग्ने वेशीशहर नगरपालिका प्रेस सल्लाहकार कृष्ण केसीले बताए।

उनका अनुसार गण्डकी प्रदेशका पालिकाहरूमध्ये ‘हेल्थ डेक्स’ स्थापना गर्ने वेशीशहर नगरपालिका पहिलो हो।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width