पोखरा, १ वैशाख । पोखराको न्यूरोड स्थित परिचय बचत तथा ऋण सहकारी संस्थाले आइतवार आफ्नो ७ औं वार्षिकोत्सव भित्तेपात्रो विमोचन गरी मनाएको छ ।

सहकारीका अध्यक्ष दीपक तिमिल्सिनाले भित्ते पात्रो विमोचन गर्दै भित्तपात्रो प्रचार प्रसार र बजार प्रवद्र्धनको ससक्त माध्यम रहेको बताए । वर्षभरिको कार्यक्रमलाई लागू गर्ने क्यालेण्डरले सहज गर्ने वताउँदै यसलाई अनुसाशनको आधार पनि मान्नुपर्ने बताए ।

सहकारीका उपाध्यक्ष यदुनाथ बञ्जाराले सहकारीमा कार्यरत सम्पूर्ण कर्मचारीको मनोवल उच्च राख्ने गरी नीति निर्माण गरीने बताए । सहकारीका संचालक र कर्मचारीको लगनशीलता र इमान्दारिताले सहकारी र यसका सदस्यहरुको उन्नयन हुने विश्वास व्यक्त गरेका थिए । कार्यक्रमको संचालक सचिव वलराम वडालले गरेका थिए ।