पोखरा, १ वैशाख । देशको स्थायी सरकार कर्मचारी भएकाले उनीहरुले देश र जनताको सेवा इमान्दारिता पूर्वक गर्नुपर्ने इतिहास्विद् प्रा.डा.दीलबहादुर क्षेत्रीले बताएका छन् ।

पृथ्वीनारायण क्याम्पस पोखराका पूुर्व क्याम्पस प्रा. डा. क्षेत्रीले कस्केली अधिकृत समाजद्वारा आयोजित नयाँ वर्षको शुभकामना आदानप्रदान तथा क्यालेण्डर विमोचन गर्दै उक्त कुरामा जोड दिएका हुन् । सरकारी कर्मचारी नेताहरुका पनि गुरु हुन्, नेताहरुलाई प्रशासनिक कुरा थाहा भए पनि कर्मचारीलाई जति ज्ञान नहुन सक्ने भनाई उनको छ ।

उत्त कार्यक्रममा मधुमेह तथा थायराइड रोग सम्बन्धी प्रशिक्षण प्रदान गरिएको थियो । एक सदस्यले अर्का सदस्यहरुलाई पुष्प गुच्छा प्रदानगरी नयाँ किसीमबाट नयाँवर्षको शुभकामना आदान प्रदान गरी कार्यक्रम मनाइएको समाजका अध्यक्ष दुर्गाबहादुर शाहले बताए ।

स्वास्थ सम्बन्धी प्रशिक्षण समाजका आजीवन सदस्य एवं मधुमेह तथा थायराइड रोग विषेशज्ञ डा. मनोज कोइरालाले प्रदान गरेका थिए । कस्केली अधिकृत समाज वि.स. २०६२ मा स्थापना भएको र नेपाल सरकारको अधिकृत स्तरीय ४ सय भन्दा वढि कर्मचारी आबद्व रहेका छन् ।

सो अवसरमा राष्ट्रपति विद्यादेवि भण्डारीबाट प्रवल जनसेवाश्री पदकद्धारा विभुषीत भएका समाजका आजीवन सदस्यहरु महेशप्रसाद पौडेल, विष्णुप्रसाद खनाल र मोहनबहादुर थापालाई बधाई तथा शुभकामना पत्रद्धारा सम्मान व्यक्त गरिएको थियो। सम्मानितहरुको तर्फबाट वोल्दै महेशप्रसाद पौडेलले समाजको सम्मानले जनताको सेवामा सर्मपित हुन हौसला तथा प्रेरणा मिल्ने बताए ।